10:13, 26 - قىركۇيەك 2017 | GMT +5
دەپۋتات 76 ميلليون تەڭگەگە تۇسكى اس ىشكەن
استانا. قازاقپارات - Traveler's coffee دەمالىس ورنىنا جالعىز كەلگەن مەملەكەتتىك قىزمەتكەر تۇسكى اسىنىڭ ەسەبىن جابا الماعانىن ايتادى.

ياكۋتيا مەملەكەتتىك جيىنىنىڭ دەپۋتاتى ۆيكتور فەدوروۆ بۇل تۋرالى ءوزىنىڭ فەيسبۋك پاراقشاسىندا جاريالاعان.
«تۇسكى استى تولەۋگە كارتوچكامدا اقشا جەتپەي قالدى» - دەپ جازعان ول. كەيىن بەلگىلى بولعانداي بۇل داياشىنىڭ قاتەلىگىنەن تۋىنداعان كەلەڭسىز جاعداي بولىپ شىققان. داياشى قاتەلەسىپ، تۇسكى اس ەسەبىن 13 ميلليون رۋبلگە (76 ميلليون تەڭگە) ەسەپتەگەن. مەكەمە دەپۋتاتتان جازباشا تۇردە كەشىرىم سۇراپ ۇلگەرىپتى. ءوز كەزەگىندە ۆيكتور فەدوروۆ مەكەمەگە دە، دايارشىعا دا ەشقانداي وكپەسى جوقتىعىن جەتكىزدى.
ۆيكتور فەدوروۆتىڭ جىلدىق تابىسى 114 ميلليون رۋبل. ول ياكۋتياداعى ەڭ باي شەندىلەردىڭ ءبىرى بولىپ سانالادى.
دەرەككوز: لايف. رۋ