اۆتونەسيە: 761 ادامنىڭ تىزىمىندەگى ورىندى باسقا ادامعا ساتۋ مۇمكىن ەمەس - ونەركاسىپتى دامىتۋ قورى

استانا. قازاقپارات - «ونەركاسىپتى دامىتۋ قورى» ا ق باسقارما ءتوراعاسىنىڭ ورىنباسارى رينات گاپپاروۆ جەڭىلدەتىلگەن اۆتونەسيەگە ءوتىنىمى تىركەلگەن 761 ادامنىڭ تىزىمىندەگى ورىندار ساتىلىپ جاتقانى تۋرالى اقپاراتقا تۇسىنىكتەمە بەردى، دەپ حابارلايدى قازاقپارات ءتىلشىسى.

«ىرىكتەلگەن تىزىمدەگى ورىندى ساتۋ نەمەسە وزگەگە بەرۋ مۇمكىن ەمەس. ول وتىنىمدە ازاماتتىڭ بۇكىل دەرەكتەرى: ج س ن، اتى-ءجونى تىركەلگەن. سوندىقتان بوگدە ادام ونىڭ اتىنان نەسيە الا المايدى. سوندىقتان ونداي حابارلامالارعا سەنبەڭىزدەر. ويتكەنى بۇل الاياقتار بولۋى كەرەك»، - دەدى رينات گاپپاروۆ بريفينگىدە.

سونداي-اق، autonesie.kz سايتى بوتتاردان قورعالعانىن ەسكە سالدى.

«بوتتارعا كەلسەك، ءوتىنىم بەرۋ كەزىندە انتيبوت جۇمىس ىستەيدى. سوندىقتان بوتتار ءوتىنىمىن تىركەي المايدى. باعدارلامانىڭ كىشىگىرىم ولقىلىقتارىن رەتتەگەننەن كەيىن اي سايىن جۇمىس ىستەيدى. كەلەسى ايدا قاشان باستالاتىنىن قوسىمشا حابارلايمىز»، - دەدى رينات گاپپاروۆ.