اۆتونەسيە: العاشقى لەككە كىرگەن 761 ءوتىنىمنىڭ كەيبىرى كەرى قايتارىلۋى مۇمكىن
بۇل جايىندا «ونەركاسىپتى دامىتۋ قورى» ا ق باسقارما ءتوراعاسىنىڭ ورىنباسارى جانار يبراشيەۆا ب ا ق وكىلدەرىمەن وتكەن بريفينگىدە ايتتى، دەپ حابارلايدى قازاقپارات ءتىلشىسى.
«جەڭىلدەتىلگەن اۆتونەسيە رەسىمدەۋدىڭ العاشقى لەگىنە تىركەلىپ ۇلگەرگەن 761 ادامنىڭ كەيبىرىنىڭ ءوتىنىشى كەرى قايتارىلۋى مۇمكىن. ويتكەنى كەيبىر ازاماتتار جۇيەنىڭ شىنىمەن جۇمىس ىستەپ تۇرعانىن تەكسەرۋ ءۇشىن نەمەسە قالاي ىستەپ تۇرعانىن تەكسەرۋ ءۇشىن كىرگەن بولۋى مۇمكىن. كەيبىر ادامداردىڭ تولەم قابىلەتتەرى راستالماۋى مۇمكىن. وسى سەبەپتى كەيبىر ازاماتتاردىڭ ءوتىنىمى تىركەلگەنىمەن نەسيە رەسۋىمدەۋدەن باس تارتىلۋى ىقتيمال. ونداي ادامدار نەسيە العاندار تىزىمىنە كىرمەيدى. ياعني، كەلەسى ايدا پلاتفورما اشىلعاندا قايتا كەزەككە تۇرا الادى، ال ولاردىڭ ورنىنا باسقا ءوتىنىم الىنبايدى»، - دەدى جانار يبراشيەۆا.
سونداي-اق، ول العاشقى لەككە ىلەسىپ، كەيىن ءوتىنىشى قاناعاتتاندىرىلماعان ازاماتتار كەلەسى جولى ءوتىنىمدى قايتادان باسىنان باستاپ رەسىمدەيتىنىن ەسكەرتتى.
«بۇل كەلەسى ايدا ولار اۆتوماتتى تۇردە ىقتيمال 100 ادامنىڭ تىزىمنە كىرەدى دەگەن ءسوز ەمەس. وسى جولعىداي قايتادان باسىنان باستاپ ءوتىنىم رەسىمدەيدى»، - دەدى ول.
بۇعان دەيىن «ونەركاسىپتى دامىتۋ قورىنىڭ» باسپا ءسوز قىزمەتى 4 پايىزدىق اۆتونەسيەگە ءوتىنىم بەرۋ نەگە تىم ەرتە توقتاتىلعانىن تۇسىندىرگەن بولاتىن.
