ەلىمىزدەگى اۋرۋحانالار مەن ەمحانالاردا 7606 ورتا مەديتسينا مامانى تاپشى

استانا. قازاقپارات - ەلىمىزدەگى اۋرۋحانالار مەن ەمحانالاردا 7606 ورتا مەديتسينا پەرسونالى تاپشى. بۇل تۋرالى «اشىق» ن ق ا پورتالىندا جاريالانعان 2030 -جىلعا دەيىن انا مەن بالا دەنساۋلىعىن ساقتاۋ قىزمەتىن دامىتۋ تۇجىرىمداماسىندا جازىلعان، دەپ حابارلايدى قازاقپارات ءتىلشىسى.

«2007-2017 -جىلدار ارالىعىنداعى كەزەڭدە پەدياتريالىق فاكۋلتەتتەرگە تالاپكەرلەردى قابىلداۋ جۇزەگە اسىرىلعان جوق. بۇل مامانداردىڭ تاپشىلىعى اكەلدى. اسىرەسە، ستاتسيونار دەڭگەيىندەگى ماماندارعا جانە ارنايى بەيىندى مامانداردىڭ تاپشىلىعىنا (بالالار رەانيماتولوگتارى- انەستەزيولوگتارى، كارديولوگتار، پۋلمونولوگتار، گاستروەنتەرولوگتار) قاتتى اسەر ەتتى.

ماماندىقتار بولىنىسىندە انەستەزيولوگ- رەانيماتولوگتار (ەرەسەكتەر، بالالار) - 787, اكۋشەر- گينەكولوگتار (ەرەسەكتەر، بالالار) - 291، پەدياترلار - 304، نەوناتولوگتار - 104، بالالار ينفەكتسيونيستەرى - 65، بالالار نيەۆروپاتولوگتارى - 51 جانە تاعى دا باسقا ماماندىقتار اراسىندا كادر تاپشىلىعى بايقالادى»، - دەلىنگەن تۇجىرىمدامادا.

دەنساۋلىق ساقتاۋ مينيسترلىگىنىڭ مالىمەتىنشە، مامان تاپشىلىعى سالدارىنان كەيبىر قىزمەتكەرلەر قوسالقى جۇمىس اتقارىپ ءجۇر. سونىمەن قاتار، ەل بويىنشا 7606 ورتا مەديتسينالىق پەرسونال جەتىسپەيدى. ونىڭ 6468 مامان قالالارعا قاجەت بولسا، 1138 ى اۋىلداردا تاپشى.