22:29, 23 - ماۋسىم 2020 | GMT +6
ەلورداداعى 75 قاباتتى ءابۋدابي پالازا كەشەنى جىل سوڭىنا دەيىن پايدالانۋعا بەرىلەدى
نۇر- سۇلتان. قازاقپارات - استاناداعى Abu Dhabi Plaza كوپ فۋنكتسيونالدى كەشەنى بيىلعى جىلدىڭ سوڭىنا قاراي پايدالانۋعا بەرىلەدى، دەپ حابارلايدى قازاقپارات.
بۇل تۋرالى نۇر- سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسى مالىمەت تاراتتى.
نىسان اقمەشىت، سىعاناق جانە تۇركىستان قالالارىنىڭ بويىندا ورنالاسقان. جەر كولەمى - 4,4613 گەكتار.
Abu Dhabi Plaza - ورتا ازياداعى مۇنارا تيپىندەگى ەڭ ءىرى كەشەن سانالادى. ول اۋماعى 500 مىڭ شارشى مەتردەن اساتىن بەس عيماراتتان تۇرادى. ىشىندەگى ەڭ بيىك مۇنارانىڭ ۇزىندىعى - 311 مەتر، 75 قاباتتان تۇرادى. وندا كەڭسەلەر مەن تۇرعىن ءۇي پاتەرلەرى ورنالاسادى. «نىسان بيىلعى جىلدىڭ سوڭىندا پايدالانۋعا بەرىلەدى» دەپ ءمالىم ەتتى باسقارما.