شۆەيتساريادا مۇزدىقتان 75 جىل بۇرىن جوعالىپ كەتكەن ەرلى-زايىپتى جۇپ تابىلدى - فوتو
د ن ق ساراپتاما جانە قىزدارىنىڭ تانۋىنان كەيىن پوليتسيا ەرلى-زايىپتىلاردىڭ تۇلعاسىن انىقتاعان. ەرلى-زايىپتىلار ءبىر-بىرىنە جاقىن، ريۋكزاكتارىن اسىنىپ، بوتەلكە، كىتاپ، ساعاتتارىن ۇستاعان كۇيى جاتىپتى.
بۇل تۋرالى Daily Mail حابارلايدى.
75 جىل بويى دۋمولەندەردىڭ تاعدىرى تۋرالى ەشتەڭە بەلگىسىز بولىپ كەلدى.
ەكى اي بويى ولاردى تاۋدان ىزدەپ تاپپاعاننان كەيىن، ەرلى-زايىپتىلاردىڭ 5 ۇل، 2 قىزىن بالالار ۇيىنە جىبەرەدى.
اياق كيىم تىگۋمەن اينالىساتىن 40 جاستاعى مارسەلين مەن مەكتەپ مۇعالىمى 37 جاستاعى فرانسين 1942-جىلى 15- تامىزدا شاندولەن اۋىلىنداعى ۇيلەرىنەن شىعىپ، سيىرلارىن ساۋىپ قايتۋ ءۇشىن تاۋعا اتتانادى. سودان كەيىن ولاردى ەشكىم كورمەگەن.
شۆەيتساريا پوليتسياسى ولاردىڭ سۇيەكتەرىنىڭ 2615 مەتردەگى مۇزدىقتان تابىلعانى جانە رەسمي تۇردە تانىلعانىن راستادى.
پوليتسيا ەرلى- زايىپتىلاردىڭ كىم ەكەنىن ءبىلۋ ءۇشىن ولاردىڭ قىزى مونيك گاۋچيدى ارنايى شاقىرعان.
جەرگىلىكتى گازەتتىڭ جازۋىنشا، ولاردى اسكەري ۋاقىتتاعى قۇجات بويىنشا تانىعان.
«ءبىز ءومىر بويى ءۇمىتىمىزدى ۇزبەي، اتا- انامىزدى ىزدەدىك. ەندى ءبىز جەرلەۋ ءراسىمىن جاقسىلاپ ۇيىمداستىرامىز. 75 جىلدان كەيىنگى بۇل جاڭالىق مەنىڭ كوڭىلىمە ايتەۋىر تىنىشتىق سىيلادى»، - دەيدى 79 جاستاعى مارسەلين.
تاعى ءبىر قىزدارىنىڭ ايتۋىنشا، سول ۋاقىتتا انالارى جۇكتى بولىپ، مۇزدىقتا ەركىن قوزعالا الماعان.
