شۆەيتساريادا ەرىگەن مۇزدىقتان 75 جىل بۇرىن جوعالعان ەرلى- زايىپتىنىڭ مۇردەسى تابىلدى

 جەتى بالاسى بار مارسەلين مەن فرانسين ديۋمۋلين 1942 -جىلى 12 - تامىزدا ەلدىڭ وڭتۇستىك باتىسىنداعى ۆالە كانتونىنىڭ شاندولين اۋىلىنان تاۋعا كەتىپ ورالماعان، دەپ جازادى Le Matin گازەتى.

جەرگىلىكتى پوليتسيانىڭ مالىمەتىنشە، ەرلى- زايىپتىنىڭ قۇجاتتارى ارقىلى انىقتاعان، ولاردىڭ مۇردەسىن وتكەن اپتادا جۇمىسشىلار تاپقان.

 ديۋمۋليندەر لە- ديابلەر تاۋ- شاڭعى كۋرورتىنىڭ تاۋعا كوتەرىلەتىن قۇرلىعىسى جانىنان تسانفليەرون مۇزدىعىندا  2615 مەتر بيىكتىكتەن تابىلعان. «دەنەلەر قاتار جاتتى. بۇل ەكىنشى دۇنيەجۇزىلىك سوعىس كەزىندەگى كيىمدەرى بار ەر ادام مەن ايەل ەدى»، - دەدى مۇزدىق تۇسىنداعى تاۋعا كوتەرىلەتىن اپپارات تيەسىلى كومپانيا باسشىسى بەرنارد تشەننەن.

ونىڭ ايتۋىنشا، جۇبايلاردىڭ ءمايىتى مۇزدىق ىشىندە جاقسى ساقتالعان. «ءبىزدىڭ ويىمىزشا، ولار مۇزدىق جارىعىنا ءتۇسىپ كەتكەن، سوندا 70 جىل جاتقان. مۇزدىق ەرىگەندە مايىتتەردى جۇمىسشىلار بايقاپ قالعان».

 40 جاستاعى مارسەلين ديۋمۋلين ەتىكشى، 37 جاستاعى فرانسين مۇعاليما بولعان. ولاردىڭ بەس ۇل ەكى قىزى بولعان. بالالار ەرلى- زايىپتى جوعالىپ كەتكەن سوڭ بىرنەشە وتباسىعا بەرىلگەن. قازىر كوزى ءتىرى كەنجە قىز اتا- اناسىن ءداستۇر بويىنشا جەر قوينىنا تاپسىرماق.