پاۆلوداردا 75 ادام دونورلىق اعزاعا مۇقتاج
رەسپۋبليكا بويىنشا مۇنداي تىزىمگە الىنعان جانداردىڭ سانى - 1300. ولاردىڭ باسىم بولىگى بۇيرەك، باۋىر جانە جۇرەكتى قاجەت ەتەدى.
«ەكى جىلدىڭ ىشىندە وڭىردە 216 ناۋقاس باس قاڭقا جاراقاتىن الىپ، مي قان اينالىمى زاقىمدانعان. ولار بىرنەشە ادامعا دونور بولار ەدى. قىسقا مەرزىمدە ادال قۇشۋى مۇمكىن ادامدار دونورلاردىڭ ارقاسىندا تولىققاندى ءومىر سۇرەتىن ەدى. بۇعان قوسا، مارقۇمداردىڭ مۇنداي ازاماتتىق ەرلىك جاساعان تۋىستارى قۇرمەتكە لايىق»، - دەيدى وبلىستىق دەنساۋلىق ساقتاۋ باسقارماسىنىڭ باسشىسى نۇرلان قاسىموۆ.
ەسكە سالا كەتەيىك، بيىلعى جىلى اقپان ايىندا ەكى رەتسەپيەنت 37 جاسىندا قايتىس بولعان ولەسيا پۋشكينانىڭ اعزالارىن قابىلداعان بولاتىن. تاعى ءبىر مۇنداي ءساتتى وتا جۋىردا وتكىزىلدى. استانادا ۇلتتىق كارديوحيرۋرگيالىق ورتالىقتا پاۆلودارلىق دونوردىڭ وكپەسى باسقا ادامعا بەرىلدى.
