ايگىلى فۋتبولشى قىتاي كومانداسىندا 75 ميلليون ەۋروعا ويناۋدان باس تارتتى
بۇل تۋرالى 25- ساۋىردە Le 10 Sportحابارلادى.
باسىلىم اقپاراتىندا 34 جاستاعى شۆەتسيا قۇراماسىنىڭ شابۋىلشىسى جالاقىسى جىلىنا 100 ميلليون ەۋرونى قۇراعان جاعدايدا عانا قىتايعا كوشۋگە دايىن ەكەنىن ايتتى. سپورتشىعا 70 ميلليون ەۋرو ۇسىنعان كلۋب اتالماي وتىر.
23- ناۋرىزدا قىتاي ۇكىمەتى يبراگيموۆيچكە قۇنى 75 ميلليون ەۋرو بولاتىن كەلىسىم-شارتتى ۇسىناتىنى جايلى حابارلانعان بولاتىن. شۆەتسيالىق ويىنشى قىتاي ۇلتتىق فۋتبول ليگاسىنىڭ بەتكە ۇستارى بولىپ، جەرگىلىكتى كلۋبتاردىڭ بىرىندە وينايتىنى بولجاندى.
يبراگيموۆيچتىڭ پ س ج- مەن كەلىسىم-شارتىنىڭ مەرزىمى 2016-جىلدىڭ جازىندا اياقتالادى. اعىمداعى ماۋسىمدا ول پاريجدىك كلۋب قۇرامىندا 27 ويىندا 32 گول سوقتى. 13- ناۋرىزدا بۇل قۇراما مەرزىمىنەن بۇرىن فرانسيا چەمپيونى اتاندى. ال 24- ساۋىردە فرانسيا ليگاسىنىڭ كۋبوگىن جەڭىپ الدى.
