بيىل «جاس ۇلان» مەكتەبىن 75 تاربيەلەنۋشى بىتىرەدى - فوتو
وقۋدى ءبىتىرۋشى ۇلاندىقتاردىڭ الدىندا ەكى ماڭىزدى مىندەت تۇر. بۇل - ءبىرىڭعاي ۇلتتىق تەست تاپسىرۋ جانە ماماندىق تاڭداۋ. مەكتەپتە وقۋشىلاردىڭ ۇ ب ت- (مەملەكەتتىك جوعارلاپ وقۋ ەمتيحانى) عا دايارلىق دەڭگەيى ايىنا 3-4 رەت تەكسەرىلىپ، سىناق تەستىلەۋ تاپسىرادى.
سونىمەن بىرگە بىتىرۋشىلەر اراسىندا ماماندىققا باعىتتاۋ جۇمىستارى جۇرگىزىلۋدە. ستاتيستيكا بويىنشا «جاس ۇلان» تۇلەكتەرىنىڭ شامامەن 90-95 پايىزى اسكەري مامان بولۋدى تاڭدايدى.
اسكەري ءتارتىپ، دەنە جانە جاۋىنگەرلىك دايارلىق، ساپ تۇزەۋ، تارتىپتىلىك جانە جيناقىلىق - بارلىعى ۇلاندىقتاردى ازاماتتىق مەكتەپ وقۋشىلارىنان ەرەكشەلىگىن كورسەتىپ قانا قويماي، اسكەري وقۋ ورنىنا تۇسۋگە سەپتىگىن تيگىزەدى.
ءوز ومىرلەرىن اسكەري قىزمەتپەن بايلانىستىرعىسى كەلەتىن بالالار «جاس ۇلان» مەكتەبىندە ءتالىم- تاربيە الادى. قازىر اتالعان مەكتەپتە 449 ۇلان ءبىلىم الۋدا.
وتكەن جىلى مەكتەپتى 67 ۇلان ءبىتىرىپ شىقتى. بۇگىندە ولار قۇرلىق اسكەرلەرىنىڭ اسكەري ينستيتۋتىندا، ەكى مارتە كەڭەس وداعىنىڭ باتىرى تالعات بەگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتىندا، راديوەلەكترونيكا جانە بايلانىس اسكەري ينستيتۋتىندا، ق ر ۇ ق ك، ت ج م جانە ءى ءى م جوعارعى وقۋ ورىندارىندا، سونداي- اق رەسەي، بەلورۋس جانە قىتاي ەلدەرىنىڭ قورعانىس مينيسترىلىگىنە قاراستى جوعارعى اسكەري وقۋ ورىندارىندا ءبىلىم الۋدا.
