بىشكەكتە بەلگىلى قازاق جازۋشىسى ءسابيت دوسانوۆتىڭ 75 جاسقا تولعان مەرەيتويىن اتاپ ءوتتى - فوتو
قىرعىزستاننىڭ حالىق جازۋشىسى ماارحابات ااماتوۆ ءسابيت دوسانوۆ شىعارماشىلىعى ينتەرناتسيونالدىق سارىندا، ونىڭ شىعارمالارى باۋىرلاس قازاقستان مەن قىرعىزستان حالقىن بايلانىستىراتىنىن ايتتى.
قىرعىز دەپۋتاتتارى اتىنان كەلگەن ق ر جوگوركۋ كەنەش اپپاراتى باسشىسىنىڭ ورىنباسارى سۋيۋنبەك كاسمامبەكوۆ تۋعان كۇن يەسىن قۇتتىقتاپ، شىعارماشىلىعىمەن ەكى جاقتى ىنتىماقتاستىقتى نىعايتۋعا قوسقان زور ۇلەسى ءۇشىن العىس ءبىلدىردى.
قىرعىزستاننىڭ حالىق جازۋشىسى مەليس اباكيروۆ «قازاقپارات» ح ا ا تىلشىسىنە بەرگەن سۇحباتىندا س. دوسانوۆتىڭ تۋىندىلارى قىرعىز تىلىنە اۋدارىلىپ، وسى ەلدە تانىمال ەكەنىن اتاپ ءوتتى.
ماسكەۋ قالاسىنداعى قازاق ديسپوراسىنىڭ وكىلدەرى اتىنان سەرىك تويعانبايەۆ جىلى لەبىزىن ءبىلدىردى.
شارا سوڭىندا س. دوسانوۆ جيناعان قاۋىمعا ريزاشىلىعىن ءبىلدىرىپ، قىرعىز تىلىنە اۋدارىلعان «قاسقىر ۇلىعاندا» كىتابىن تارتۋ ەتتى.
