زامانىمىزدىڭ زاڭعار تۇلعاسى، بەلگىلى جازۋشى ءابىش كەكىلبايەۆ 75 جاسقا تولدى
1939 - جىلى 6 - جەلتوقساندا ماڭعىستاۋ وبلىسى، ماڭعىستاۋ اۋدانى، وڭدى اۋىلىندا تۋعان. قازاق مەمەكەتتىك ۋنيۆەرسيتەتىن بىتىرگەن (1962) . 1962-1965 ج ج. «قازاق ادەبيەتى»، «جاس الاش» گازەتتەرىندە ادەبي قىزمەتكەر، ءبولىم مەڭگەرۋشىسى، 1964-1968 ج ج. قازاق ك س ر مادەنيەت مينيسترلىگىندە رەپەرتۋارلىق- رەداكسيالىق كوللەگيا مۇشەسى قىزمەتتەرىندە بولدى.
1970-1975 ج ج. «قازاق فيلم» كينوستۋدياسىندا باس رەداكتور، 1975-1984 ج ج. قازاقستان كومپارتياسى و ك مادەنيەت بولىمىندە نۇسقاۋشى، سەكتور مەڭگەرۋشىسى، 1984-1986 ج ج. قازاق ك س ر مادەنيەت ءمينيسترىنىڭ ورىنباسارى، 1986-1988 ج ج. قازاقستان جازۋشىلار وداعى باسقارماسىنىڭ 2- حاتشىسى، 1988-1990 ج ج. قازاق ك س ر تاريح جانە مادەنيەت ەسكەرتكىشتەرىن قورعاۋ قوعامى ورتالىق كەڭەسى پرەزيديۋمىنىڭ ءتوراعاسى. 1990 - جىلدان باستاپ قازاقستان كومپارتياسى و ك ءبولىم مەڭگەرۋشىسى، قازاق ك س ر جوعارعى كەڭەسىنىڭ مادەنيەت، ءتىل جانە ۇلتارالىق قاتىناستاردى دامىتۋ جونىندەگى كوميتەتىنىڭ ءتوراعاسى (1991) ، «ەگەمەن قازاقستان» گازەتىنىڭ باس رەداكتورى (1992-1993) ، ق ر مەملەكەتتىك كەڭەسشىسى (1992-1993) ، ق ر جوعارعى كەڭەسىنىڭ ءتوراعاسى (1994-1995) ، ق ر پارلامەنتى ءماجىلىسىنىڭ دەپۋتاتى، كوميتەت ءتوراعاسى (1996-1996) بولىپ ىستەگەن. 1996-2002 ج ج. ق ر مەملەكەتتىك حاتشىسى، 2002 - جىلدىڭ اقپانىنان ق ر پارلامەنتى سەناتىنىڭ دەپۋتاتى بولدى.
ءابىش كەكىلباي ۇلى بۇكىل سانالى عۇمىرىن، ەسەلى ەڭبەگىن تۋعان حالقىنا ارنادى. قازاق ادەبيەتى مەن قازاق ءتىلىنىڭ دامۋىنا وراسان ۇلەس قوستى.
اتاپ ايتقاندا، زامانىمىزدىڭ زاڭعار سۋرەتكەرى ءابىش كەكىلبايەۆ - ءيىسى قازاقتىڭ اسىلى دا، ماقتانىشى، ونەگەسى دە تاۋ تۇلعاسى. ءابىش جازۋشىعا بەرىلگەن اتاق - تەك قانا ءابىش اعانىڭ عانا ەمەس، ادەبي مايداندا قىزمەت جاساپ جۇرگەن، ەڭبەك ەتىپ جۇرگەن قاۋىمعا بەرىلگەن باعا دەپ ايتۋعا بولادى.
كورنەكتى مەملەكەت جانە قوعام قايراتكەرى، ءسوز ونەرىنىڭ ساردارى، قازاق ادەبيەتىنىڭ ساڭلاعى ماعىنالى عۇمىرىنىڭ مازمۇندى شاقتارىن، ونەگەلى ءومىربايانىنىڭ ومىرشەڭ شەكتەرىن تابيعي تالانتىمەن ورنەكتەگەن، ەڭبەك جولدارىن حالقىنىڭ عۇمىرناماسىمەن ورنەكتەپ بەرگەن ايتۋلى دارىن.
العاشقى ولەڭدەر جيناعى («التىن شۋاق») 1962 - جىلى جارىق كوردى. سودان بەرى پروزا، ادەبي سىن سالاسىندا ەلەۋلى ەڭبەك ەتىپ كەلەدى. «ءبىر شوكىم بۇلت» (1966) ، «دالا باللادالارى» (1968) ، «تىراۋ- تىراۋ تىرنالار» (1973) ، «ءبىر ۋىس توپىراق» (1974) ، «قۇس قاناتى» (1975) ، «باللادا ستەپەي» (1975) ، «باللادا زابىتىح لەت» (1979) ، «ۇركەر» (1981) ، «ەلەڭ- الاڭ» (1984) ، «مارتوۆسكيي سنەگ» (1985) ، » پلەيادى - سوزۆەزديە نادەجدى» (1987)، «زامانمەن سۇحبات» (1994)، «ازاتتىقتىڭ اق تاڭى» (1998) ، ت. ب. اڭگىمەلەر مەن پوۆەستەرى، ەسسەلەر مەن روماندارى، ادەبي- فيلوسوفيالىق، پۋبليتسيستيكالىق جيناقتارى بار. ول ل. ن. تولستوي مەن ك. گوتسيدىڭ، گ. موپاسسان مەن گ. يبسەننىڭ، ا. چەحوۆ پەن ي. بۋنيننىڭ ءبىرقاتار تۋىندىلارىن قازاق تىلىنە اۋدارعان.
نەمىستىڭ «فولك ۋند ۆەلت» كىتاپ باسپاسى جۇرگىزگەن ساۋالناما حاتتاماسىندا ونىڭ ەسىمى «XX عاسىردىڭ تاڭداۋلى جازۋشىلارى» تىزىمىنە ەنگىزىلگەن. كەڭەستىك كەزەڭدە وداقتىق جازۋشىلار القاسىنىڭ، حالىقارالىق «لوتوس» جازۋشىلار سىيلىعى قازىلار القاسىنىڭ، ورتالىق «حۋدوجەستۆەننايا ليتەراتۋرا» ، «درۋجبا نارودوۆ» باسپالارى رەداكسيالىق القالارىنىڭ مۇشەسى بولدى، ازيا- افريكا جازۋشىلارى حالىقارالىق كوميتەتىنىڭ مۇشەسىنە سايلاندى.
«ابىلاي حان» دراماسى قازاق دراما تەاترى ساحناسىندا قويىلدى. «دۇنيە عاپىل» ، «دالا باللادالارى» (2 توم، 2001) كىتاپتارى جارىق كوردى. «ۇركەر»، «ەلەڭ- الاڭ» روماندار تسيكلى ءۇشىن 1986 -جىلى اباي اتىنداعى مەملەكەتتىك سىيلىعىنا يە بولدى. «قۇرمەت بەلگىسى» مەن «وتان» وردەندەرىنىڭ، تاۋەلسىز «تارلان» سىيلىعىنىڭ يەگەرى (2003) .
ءابىش كەكىلبايەۆقا قازاقستاننىڭ ەڭبەك ەرى، وتان وردەنى، نازاربايەۆ وردەنى، ق ر تاۋەلسىزدىگىنە 10 جىل مەدالى، «قۇرمەت» بەلگىسى وردەنى، «دوستىق» وردەنى، قازاقستاننىڭ مەملەكەتتىك سىيلىعىنىڭ يەگەرى، ەلباسىنىڭ بەيبىتشىلىك جانە رۋحاني كەلىسىم سىيلىعىنىڭ يەگەرى، قازاقستاننىڭ حالىق جازۋشىسى، ماڭعىستاۋ وبلىسىنىڭ قۇرمەتتى ازاماتى ماراپاتتارى تاپسىرىلدى.
اۆتور: رۋسلان عابباسوۆ
