11:07, 02 - قازان 2014 | GMT +5
سەنات قۇرامى 75 پايىزعا جاڭارادى - و س ك
استانا. قازاقپارات - سەنات قۇرامى 75 پايىزعا جاڭارادى. بۇل تۋرالى بۇگىن ق ر ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.
ونىڭ اتاپ وتۋىنشە، جاڭادان سايلاناتىن دەپۋتات ءوز وكىلەتتىگىن الۋ ءۇشىن ءۇش كەزەڭنەن وتەدى. ءبىرىنشى كەزەڭدە وبلىستىق سايلاۋ كوميسسيالارى داۋىس بەرۋدىڭ ناتيجەلەرىن بەلگىلەيدى. ال ونىڭ حاتتامالارى ورتالىق سايلاۋ كوميسسياسىنا جونەلتىلەدى.
«ءبىز ەكىنشى كەزەڭدە وبلىستىق كوميسسيالار حاتتامالارىنىڭ سانىنا قاراپ، كىم سايلانعانىن قورىتىندىلايمىز. ءۇشىنشى كەزەڭدە تىركەۋدەن ءوتۋ كەرەك. تىركەۋدەن وتكەننەن كەيىن دەپۋتاتتار ءوز وكىلەتتىگىنە تولىق يە بولادى»، - دەدى ق. تۇرعانقۇلوۆ.
سونىمەن قاتار وسك ءتوراعاسى سەنات دەپۋتاتتارىنىڭ قۇرامى 75 پايىزعا جاڭارعانىن جانە بۇعان دەيىن سەناتور بولعان 4 دەپۋتاتتىڭ ءوز ورىندارىن ساقتاپ قالعانىن اتاپ ءوتتى.
اۆتور: مارلان جيەمباي
