16:02, 01 - اقپان 2021 | GMT +5
ەلوردادا 752 وقۋشىدان كوروناۆيرۋس انىقتالدى
نۇر-سۇلتان. قازاقپارات - ەلوردادا 752 وقۋشىدان كوروناۆيرۋس انىقتالدى. بۇل تۋرالى نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا ايتتى، دەپ حابارلايدى قازاقپارات ءتىلشىسى.
«2020 -جىلدىڭ 1-اقپانىنا دەيىنگى دەرەكتەرگە سايكەس، مەكتەپ وقۋشىلارى اراسىندا 752 كوروناۆيرۋس جاعدايى تىركەلدى. ونىڭ ىشىندە 56 جاعداي كەزەكشى سىنىپ وقۋشىلارى اراسىندا ورىن الدى. 596 جاعداي قاشىقتان وقيتىن وقۋشىلار اراسىندا تىركەلىپ وتىر»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
باس مەملەكەتتىك سانيتارلىق دارىگەردىڭ ايتۋىنشا، وقۋ جىلى باستالعاننان بەرى ەلوردادا 76 مەكتەپ كارانتينگە جابىلعان بولاتىن.
بۇگىندە كوروناۆيرۋستىڭ وقۋشىلار اراسىندا شىعۋىنا بايلانىستى 21 مەكتەپ كارانتينگە جابىلعان.
ايتا كەتەيىك، 2021 -جىلدىڭ قاڭتار ايىنىڭ باسىنان بەرى ەلوردادا كوروناۆيرۋس ينفەكسياسىنىڭ 3763 جاعدايى تىركەلدى.
