كانادادا بۇرىنعى مەكتەپ- ينتەرنات اۋماعىندا 751 بالانىڭ قاڭقاسى تابىلدى
بالالاردىڭ قاڭقاسى 24-ماۋسىم كۇنى كانادانىڭ باتىسىنداعى ساسكاچيەۆان پروۆينتسياسىندا ورنالاسقان بۇرىنعى مەكتەپ- ينتەرناتتىڭ اۋماعىندا تابىلعان. كاۋسەسس وكرۋگىنىڭ جەرگىلىكتى حالقىنىڭ قاۋىمداستىعىمەن ۇيىمداستىرىلعان اكسيا دۇعا وقۋدان باستالدى. كەيىن قازا بولعان بالالاردىڭ رۋحىنا ءبىر مينۋت ۇنسىزدىك جاريالاندى.
كوروناۆيرۋس پاندەمياسىنا بايلانىستى دۇعا وقۋ شاراسىنا 150 ادام قاتىستى. ولار بالالاردىڭ قۇرمەتىنە 751 بالاۋىز مايشامىن جاقتى. كاۋسەسس وكرۋگىنىڭ جەرگىلىكتى حالقى قاۋىمداستىعىنىڭ وكىلى دجوناتان لەراتتىڭ سوزىنشە، پروۆينتسيادا العاش رەت بالالاردىڭ قاڭقاسى 10 جىل بۇرىن تابىلعان. سونداي- اق ول قاڭقالار مەكتەپ- ينتەرناتتان 10 مەتر قاشىقتىقتا تابىلعانىن ايتتى.
كانادا كورولدىگىنىڭ اتتى پوليتسياسىنىڭ مالىمەتىنشە، بالالاردىڭ سۇيەكتەرى تابىلعاننان كەيىن كوپ ۇزاماي بريتان كولۋمبياسى پروۆينتسياسىنىڭ سيميلكامين اۋدانىندا ورنالاسقان كاتوليكتەردىڭ كونە ەكى شىركەۋى تولىعىمەن جانىپ كەتكەن. ولارعا وت قاساقانا قويىلدى دەگەن بولجام بار. شىركەۋلەر كامپلۋپستاعى مەكتەپ- ينتەرناتتان 200 مەتر قاشىقتىقتا ورنالاسقان. وسى كامپلۋپستا ءورت وقيعاسىنا دەيىن 215 بالانىڭ سۇيەگى تابىلعان.
«پوليسيا ءورت وقيعالارىن كۇماندى دەپ سانايدى. سەبەبى وت قويۋ ءۇشىن تەز جاناتىن سۇيىقتىق پايدالانىلعان جانە ءورت ەكى شىركەۋدە ءبىر مەزگىلدە تۇتانعان»، - دەلىنگەن سايت اقپاراتىندا.
