رۋمىنيادا التىن وردانىڭ 750 جىلدىعىن اتاپ وتەدى
«رۋمىنياعا بارعان كەزدە مەن ءۇشىن تىڭ جاڭالىق اشىلدى: رەسمي اقپارات بويىنشا ول جاقتا 50 مىڭنان استام تاتار دياسپوراسى تۇرادى ەكەن، ال بەيرەسمي اقپارات بويىنشا ولاردىڭ سانى ودان دا كوپ. ولار اتا- بابالارى رۋمىنياعا 1230 -جىلدارى، باتۋ حاننىڭ تۇسىندا بارعاندارىن ايتادى. وزدەرىنىڭ اتاۋلارى ەسكى بىرنەشە اۋىلدارى بار»، - دەيدى نۇرباح رۇستەموۆ س ءى م- دە وتكەن بريفينگتە.
ونىڭ ايتۋىنشا، تاتار دياسپوراسىنىڭ ءتىلى مەن قازاق تىلىندە ايتارلىقتاي ايىرماشىلىق جوق.
«ولار «قالدارىڭىز قالاي؟» دەگەن سۇراققا «ارۋ» دەپ جاۋاپ بەرەدى، ياعني «ارۋ» دەگەن ءسوز «جاقسى» دەگەن ماعىنا بەرەدى ەكەن. تۇرىك تەلەارنالارىن كورەتىندىكتەن، تىلدەرى تۇرىك تىلىنە بەيىمدەلىپ كەتكەن. ولاردىڭ ءبىرى ءوزىن «نوعايمىز» دەسە، ەندى ءبىرى «جوڭعار تاتارىمىز» ، ەندى ءبىرى «تۇرىك تاتارىمىز» دەيدى. اۋىلدارى دا وسىعان بايلانىستى شوعىرلانعان»، - دەيدى ول.
سونداي- اق، ەلشى قازاقستان مەن رۋمىنيا اراسىنداعى ديپلوماتيالىق قارىم- قاتىناس 27 جىل بۇرىن ورناعانى تۋرالى ايتتى.
«ديپلوماتيالىق قاتىناس نەگىزىندە ەكى ەل اراسىندا ساياسي، ەكونوميكالىق جانە مادەني- گۋمانيتارلىق سالانىڭ ىرگەتاسى قالاندى. كەلەسى جىلى مەملەكەتتىڭ ءبىلىم اكادەمياسىمەن كەلىسىپ، سول جاقتا التىن وردانىڭ 750 جىلدىعىن اتاپ وتەمىز»، - دەيدى نۇرباح رۇستەموۆ.
اۆتور زارينا قاھارمان
