الەمدە 750 ميلليون ادام وقي دا، جازا دا المايدى

استانا. قازاقپارات - سوڭعى 50 جىلدا قول جەتكىزىلگەن وركەنيەتتەگى جەتىستىكتەرگە قاراماستان، جەر شارى تۇرعىندارىنىڭ ساۋاتسىزدىق دەڭگەيى تومەن كۇيىندە قالىپ وتىر، دەپ حابارلايدى انادولى اگەنتتىگى.

يۋنەسكو- نىڭ بەرگەن مالىمەتتەرىنە قاراعاندا، الەمدە 750 ميلليون ادام نە وقۋدى، نە جازۋدى بىلمەيدى. سونىڭ ۇشتەن ەكىسى - ايەلدەر.

ساۋات اشپاعان ادامداردىڭ 45 پايىزى وڭتۇستىك ازيادا ءومىر سۇرەدى. 27 پايىزى «قارا افريكا» (ساحارا شولىنەن وڭتۇستىككە قاراي)، 10 پايىزى شىعىس جانە وڭتۇستىك- شىعىس ازيا، 9 پايىزى سولتۇستىك افريكا جانە باتىس ازيا، ءتورت پايىزى لاتىن امەريكاسى مەن كاريب باسسەينى ەلدەرىنىڭ ۇلەسىندە.

يۋنەسكو ستاتيستيكا ينستيتۋتىنىڭ مالىمەتىنشە، سوڭعى كەزدەرى ساۋاتتىلىق دەڭگەيىنىڭ ەڭ جوعارى ءوسىمى شىعىس جانە وڭتۇستىك ازيا، سولتۇستىك جانە باتىس افريكا ەلدەرىندە بايقالعان.

اتاپ ايتقاندا، وڭتۇستىك ازيا تۇرعىندارىنىڭ ساۋاتتىلىق دەڭگەيى 1990-2016 -جىلدار ارالىعىندا 46 پايىزدان 72 پايىزعا دەيىن، سولتۇستىك افريكا مەن باتىس ازيادا 64 پايىزدان 81 پايىزعا دەيىن كوتەرىلگەن.

شىعىس جانە وڭتۇستىك- شىعىس ازيادا بۇل كورسەتكىش بۇرىنعى 82 پايىزدىڭ ورنىنا 96 پايىزعا جەتىپ وتىر، ال افريكانىڭ ساحارادان وڭتۇستىككە قاراي ورنالاسقان ەلدەرىندە 52 پايىزدان 65 پايىزعا دەيىن وسكەن.

سونىمەن قاتار ساراپشىلار ەرلەرگە قاراعاندا ايەلدەر اراسىندا ساۋاتسىزدىق دەڭگەيىنىڭ جوعارى ەكەندىگىن اتاپ كورسەتەدى. سوڭعى دەرەكتەر بويىنشا، ساۋاتسىزداردىڭ 59 پايىزى - ايەلدەر.