75 جاستاعى قۇبايدوللا 10 ءتۇرلى ونەرتابىسقا پاتەنت الدى - شەتەلدەگى قازاق باسپا ءسوزى

өнертапқыш
Фото: mp.weixin.qq.com

Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

ديماش قۇدايبەرگەن ستامبۋلدا 12 تىلدە ءان شىرقادى - TRT

قازاقستاننىڭ حالىق ءارتىسى، ءانشى ديماش قۇدايبەرگەن ستامبۋلدا جانكۇيەرلەرىمەن كەزدەستى. ديماش قۇدايبەرگەن قازاق، ورىس، ماندارين، اعىلشىن، فرانسۋز، يتاليان، ۋكراين، تۇرىك، سەرب، قىرعىز، نەمىس، يسپان تىلدەرىندە ءان شىرقادى، دەپ حابارلايدى تۇركيا راديو تەليەۆيزيا پورتالى.

ايگىلى ونەرپاز ديماش قۇدايبەرگەن كونسەرتتە ءوزىنىڭ تانىمال اندەرىن ايتقان.

димаш
Фото: www.trt.net.tr

30 جاسقا تولعان قۇدايبەرگەننىڭ 15 جاسىنان ۇستازى بولعان مارات ءايتىموۆ ساحنادا اق تىلەكتەرىن ايتىپ، تۋعان كۇنىن اتاپ ءوتتى.

تۇركيالىق ب ا ق- تىڭ كەلتىرگەن مالىمەتىنە سۇيەنسەك، ديماش جالعىز تىلەگىن ايتتى: "ايىرماشىلىعىمىز قيىندىق تۋدىرمايدى. ءبىر اسپاننىڭ استىندا ءومىر ءسۇرىپ جاتىرمىز. ءبارىمىزدى ءبىر اللا جاراتتى. سوعىسسىز دۇنيە تىلەيمىن. بالالار جىلاماسىن. ءبىر- ءبىرىمىزدى قۇرمەتتەيىك جانە ءبىر- ءبىرىمىزدى سۇيەيىك».

سونداي- اق، ديماش وسى كونسەرتكە سەبەپكەر بولعان جانكۇيەرلەرىنە العىسىن بىلدىرگەن.

«ونەر جولىندا 2 ستۋديالىق البوم، 40 سينگل جازدىرعان قۇدايبەرگەن قازاق، ورىس، ماندارين، اعىلشىن، فرانتسۋز، يتاليان، ۋكراين، تۇرىك، سەرب، قىرعىز، نەمىس، يسپان تىلدەرىندە ءان شىرقادى»، دەپ جازدى TRT.

التاي - ادامزات شاڭعى تەبۋىنىڭ باستالعان جەرى - «حالىق گازەتى»

алтай шаңғысы
Фото: Видеодан кадр

بۇل - شىڭجاڭنىڭ التاي ايماعى ءدوڭدىبۇلاق ۇڭگىرىندەگى جارتاس سۋرەتى. ەجەلگى التاي حالقىنىڭ شاڭعىمەن اڭ اۋلاۋ كورىنىسىن شىنايى بەينەلەگەن. ادامزاتتىڭ ەڭ العاش شاڭعىمەن سىرعاناۋىن ەستەلىككە العان جادىگەر. زەرتتەۋلەرگە سايكەس، بۇل سۋرەت 12000 جىل بۇرىن سالىنعان. سوندىقتان التاي «ادامزاتتىڭ العاش شاڭعى تەپكەن جەرى» دەپ جاريالاندى دەپ حابارلايدى قىتايدىڭ «حالىق گازەتى».

قىتايلىق باسىلىمنىڭ كەلتىرگەن دەرەكتەرىنە سۇيەنسەك، ادامزاتتىڭ العاش شاڭعى تەپكەن جەرى التاي - سولتۇستىك ەندىكتىڭ 45 گرادۋسىنداعى «التىن قار بەلدەۋىنە» ورنالاسقان. بۇل قىتايداعى ەڭ ۇزاق قار جاۋاتىن ايماق. جىل بويى 210 كۇن قار جامىلادى، 170-180 كۇن قار جاۋادى. تاۋداعى قاردىڭ ورتاشا قالىڭدىعى 2 مەترگە جەتەدى.

مۇندا ءومىر سۇرگەن اتا- بابالار قۇندى مۇرا قالدىردى. ولار جەرگىلىكتى ماتەريالداردى پايدالانىپ، ءىرى جىلقى سيراعىنىڭ تەرىسىن تاڭداپ، مولشەرمەن ۇزىندىعى 180 س م، ەنى 10 س م بولاتىن، الدىڭعى جاعى قايقى اعاش تاقتادان شاڭعى جاساعان. بەتكەيگە شىققاندا جىلقى تۇگىنىڭ جارتىسى كەرى باعىتتا بولادى، سول ارقىلى ۇيكەلىستى ارتتىرىپ، تايۋدىڭ الدىن الادى ەكەن. ەڭىسكە سىرعاناعاندا تەرىدەگى تۇكتىڭ جارتىسى وڭ باعىتتا بولادى. سىرعاناعاندا ۇيكەلىس ازايىپ، جىلدامدىق ارتادى. تەك ءبىر قار تاياقشاسىمەن شاڭعى تەۋىپ، اڭ اۋلاۋعا بولادى

«ۋاقىت سىرعىعانىمەن، ەجەلگى ءجۇن- تەرىلى شاڭعى تاريح ساحناسىنان الىستاعان جوق. ولار التاي حالقىنىڭ كۇندەلىكتى ءجۇرىس- تۇرىسىندا ءوز ءرولىن جالعاستىرىپ كەلەدى، سونداي- اق شاڭعى جارىستارىندا ءجيى كەزدەسەدى»، دەپ جازدى «حالىق گازەتى».

سونىمەن قاتار وسى اپتادا «حالىق گازەتى» باسىلىمىندا «استانا - ءۇرىمجى باعىتىنداعى رەيس سانى ارتىپ كەلەدى» دەگەن تاقىرىپتاعى اقپارات جارىق كورگەن بولاتىن.

قىتايلىق باسىلىم بۇل اقپاراتىن ق ر كولىك مينيسترلىگىنە سىلتەمە جاساپ حابارلاعان. اتاپ ايتقاندا، ق ر كولىك مينيسترلىگى حالىقارالىق رەيستەر سانىن ۇلعايتۋ جانە ۇشۋ گەوگرافياسىن كەڭەيتۋ بويىنشا جۇمىس جالعاسىپ جاتقانىن مالىمدەدى.

2024 -جىلعى 30-مامىردان باستاپ «China Southern Airlines» اۋە كومپانياسى استانا - ءۇرىمجى باعىتى بويىنشا رەيستەر سانىن اپتاسىنا 2 دەن 3 رەيسكە دەيىن ارتتىرۋدى جوسپارلاپ وتىر. رەيستەر Boeing 737 (سىيىمدىلىعى 128-دەن 178 ورىنعا دەيىن) ۇشاقتارىندا ورىندالادى.

قازاقستان مەن قىتاي اراسىنداعى رەيستەر سانىنىڭ ارتۋى ەلدەر اراسىنداعى تۋريستىك، مادەني، ينۆەستيتسيالىق جانە ىسكەرلىك ىنتىماقتاستىقتى ودان ءارى دامىتۋعا، سونداي- اق حالىقارالىق اۋە تاسىمالى نارىعىنداعى باسەكەلەستىكتىڭ ارتۋىنا جانە اۋە بيلەتتەرى باعاسىنىڭ تومەندەۋىنە ىقپال ەتەدى.

قازاقستان ءماجىلىس ءتوراعاسى يران پرەزيدەنتىنىڭ قايتىس بولۋىنا بايلانىستى تەگەراندا كوڭىل ايتۋ جانە قۇرمەت كورسەتۋگە قاتىستى - Parstoday

президенті
Фото: Parstoday

قازاقستان ءماجىلىس ءتوراعاسى ەرلان قوشانوۆ يران پرەزيدەنتى يبراگيم ءرايسيدىڭ قايتىس بولۋىنا بايلانىستى تەگەراندا كوڭىل ايتۋ جانە قۇرمەت كورسەتۋگە ارنالعان ءىس- شاراعا قاتىستى.

بۇل تۋرالى يراننىڭ «Parstoday» اقپارات اگەنتتىگى دە حابارلادى.

اتالعان باسىلىمنىڭ كەلتىرگەن مالىمەتىنە سۇيەنسەك، 22-مامىر كۇنى يران حالقى تىك ۇشاق اپاتىنان قايتىس بولعان پرەزيدەنت يبراحيم رايسيمەن قوشتاستى. پرەزيدەنتتەر سارايىندا وتكەن كوڭىل ايتۋ جانە قۇرمەت كورسەتۋگە ارنالعان ءىس- شاراعا قازاقستان دەلەگاتسياسىن ءماجىلىس ءتوراعاسى ەرلان قوشانوۆ باستاپ باردى.

«پالاتا سپيكەرى يران يسلام رەسپۋبليكاسى ۆيتسە- پرەزيدەنتى موحسەن مانسۋريمەن جانە مەملەكەتتىڭ جوعارى ساياسي باسشىلىعىمەن كەزدەسىپ، قازاقستان پرەزيدەنتىنىڭ اتىنان بۇكىل يران حالقىنا، سونداي- اق قازا تاپقان ادامداردىڭ وتباسىلارىنا كوڭىل ايتتى»، - دەپ جازدى يراندىق ب ا ق.

75 جاستاعى قۇبايدوللا 10 ءتۇرلى ونەرتابىسقا پاتەنت الدى - «التاي اقپاراتى»

Құбайдолла
Фото: mp.weixin.qq.com

قىتايدىڭ التاي ايماعى قابا اۋدانىنا قاراستى جايىلما قالاشىعى قاراعاش اۋىلىندا تۇراتىن قۇبايدوللا ماناپ ۇلىنىڭ ءۇيىنىڭ اۋلاسىنداعى تاجىريبەلىك بازاسىنان «تىكۇشاق» جانە «گلوبۋس» سياقتى سان الۋان ۇلگىلەردى كورۋگە بولادى، دەپ حابارلايدى «التاي اقپاراتى».

قىتايلىق باسىلىمنىڭ دەرەگىنشە، 75 جاستاعى قۇبايدوللا ماناپ ۇلى - جايىلما قالاشىعى قاراعاش اۋىلىنىڭ قاراپايىم شارۋاسى، ول كۇندەلىكتى جۇمىس كەزىندە كوپ ويلانعاندى ​​​​جاقسى كورەدى. ونىڭ ونەرتابىستارىنىڭ كوپشىلىگى فەرمەرلەردىڭ ومىرىمەن تىعىز بايلانىستى بولعاندىقتان ق. ماناپ ۇلىن جۇرت «حالىق ونەرتاپقىشى» دەپ اتايدى.

اتاپ ايتقاندا «دينوزاۆر» اتتى تىكۇشاق ۇلگىسىن ءوزى جاساپ، دانەكەرلەپ، قۇراستىرعان.

«قاراڭىز، مىناۋ ءوزىم جوبالاپ، دانەكەرلەپ قۇراستىرعان تىكۇشاق مودەلى، بۇنى جاي عانا مودەل دەپ ويلاپ قالماڭىز، بۇل ۇشا الادى. سونداي-اق گلوبۋس تا بار، وسىنى جاساۋ ءۇشىن 5000 مەتر سىم تەمىر قولداندىم. سوندىقتان گيننەس رەكوردتىنا ءوتىنىش بەرمەكشىمىن»، - دەيدى قۇبايدوللا ماناپ ۇلى.

قۇبايدوللا ماناپ ۇلى 2005 -جىلى مالعا ارنالعان جىلجىمالى ەمدىك ۆاننانى جاساپ شىعاردى جانە ۇلتتىق پاتەنت الدى. قولدانۋ بارىسىندا ول مالعا ارنالعان جىلجىمالى ۆاننانىڭ قۋات جۇيەسىنىڭ اقاۋلارى بار ەكەنىن انىقتادى. وسى كەمشىلىكتەرگە جاۋاپ رەتىندە ول كوپتەگەن ترانسفورماتسيا سىناقتارىنان كەيىن 2008 -جىلى جىلجىمالى جاڭا ەمدىك ۆاننانى ءساتتى جاساپ، وسى ۇلتتىق پاتەنتتى قايتادان العان.

قۇبايدوللا مۇنىمەن توقتاپ قالماي، اۋىلدى كوركەيتۋگە، ەگىنشىلەر مەن مالشىلاردىڭ كۇندەلىكتى قاجەتتىلىكتەرىنە سۇيەنە وتىرىپ، جينالمالى اسحانا ۇستەلدەرىن، جينالمالى كيىم ىلگىشتەردى جانە باسقا دا كوپتەگەن جاڭا ارنايى ونىمدەرىن جاساپ شىققان. بۇل تاپقىرلىقتارى ءارتۇرلى اۋقىمدى كورمەلەرگە بىرنەشە رەت قاتىسۋعا شاقىرىلدى جانە ونىڭ جۇمىستارى كورەرمەندەردىڭ ىستىق ىقىلاسىنا يە بولعان.

«مەن الداعى ۋاقىتتاردا بۇل ونەرتابىستارىمنىڭ پرينتسيپتەرىن، ءوندىرىسى مەن پايدالانۋ ادىستەرىن جازىپ، قوعامعا ناسيحاتتاۋعا جانە اۋىل تۇرعىندارىنىڭ ومىرىنە كوبىرەك قولايلىلىق جاساۋعا تىرىسامىن»، - دەيدى قۇبايدوللا ماناپ ۇلى.

وزبەكستان پاريجدەگى وليمپياداعا دايىندىققا قانشا قارجى جۇمسادى - «ءو ز ا»

2024 -جىلدىڭ العاشقى شيرەگىندە پاريج-2024 وليمپيادا ويىندارىنا دايىندىق ءۇشىن 73 ميلليارد 355 ميلليون 700 مىڭ سۋم كولەمىندە قاراجات جۇمسالعان. ۇلتتىق وليمپيادا كوميتەتىنىڭ (ۇ و ك) اقپاراتىنا سايكەس، بۇل قارجى وليمپياداعا دايىندالىپ جاتقان 20 سپورت فەدەراتسياسى مەن قاۋىمداستىقتار بەرگەن ءوتىنىم نەگىزىندە جەرگىلىكتى جانە حالىقارالىق وقۋ- جاتتىعۋ جيىندارىنا بولىنگەن، دەپ حابارلايدى وزبەكستاندىق « ءو ز ا» اقپاراتتىق اگەنتتىگى.

حاباردا ايتىلۋىنشا، «وزبەكستان سپورتشىلارىن 2024 -جىل پاريجدە (فرانسيا) وتەتىن جازعى وليمپيادا جانە XVII پاراليمپيادا ويىندارىنا جان- جاقتى دايىنداۋ تۋرالى» پرەزيدەنت قاۋلىسىنا سايكەس ءور سپورت مينيسترلىگى، ۇلتتىق وليمپيادا كوميتەتى فەدەراتسيالار جارىسقا جۇيەلى تۇردە دايىندالۋدا.

اتالعان ب ا ق- تىڭ دەرەگىنشە، سونىمەن قاتار، وليمپيادالىق سپورت تۇرلەرى بويىنشا فەدەراتسيالار مەن قاۋىمداستىقتاردىڭ جارعىلىق شىعىستارى، ۇلتتىق قۇراما سپورتشىلارىنا قۇرال- جابدىقتار مەن ارنايى ينۆەنتارلار ساتىپ الۋ، ولاردى مەديتسينالىق- بيولوگيالىق قامتاماسىز ەتۋ، بەدەلدى تۋرنيرلەر مەن چەمپيوناتتارعا قاتىسۋعا بايلانىستى شىعىندار دا مەملەكەت ەسەبىنەن قارجىلاندىرىلادى، دەلىنگەن.

التايداعى مادەني مۇرا - «ورتەكە» - CNR

ортеке
Фото: mp.weixin.qq.com

قازىر شىڭجاڭنىڭ التاي ايماعىنىڭ تۋريزمى دۋمانعا بولەندى. اتاپ ايتقاندا، قابا اۋدانىنىڭ اققابا قىستاعىندا قازاق كاريا دومبىراسىن شەرتىپ، «ورتەكە» ويناتىپ، ساياحاتشىلاردى قىزىقتىرا باستادى، دەپ حابارلايدى قىتايدىڭ «ورتالىق حالىق راديوسى».

قىتايلىق باسىلىمنىڭ دەرەگىنشە، «ورتەكە» ونەرى - التايدىڭ ايماق دارەجەلى ماتەريالدىق ەمەس مادەني مۇراسى. «ورتەكە» ونەرىنىڭ زاڭدى مۇراگەرى سەرىك قىدىرموللا ۇلى اعاشتان جاسالعان ورتەكەنى ارادا بايلانعان ءجىپ ارقىلى قولىمەن مەڭگەرىپ، تاعى ءبىر جاعىنان دومبىراسىن شەرتىپ، ورتەكەنى ۇستەل ۇستىندە تىك تۇرعىزىپ بيلەتەدى. ورتەكە كۇيگە ىلەسىپ سەكىرەدى، اينالادى، كەيدە اۋنايدى. بۇلدا كورەر كوزگە قىزىق سەزىلەدى.

«ورتەكە» ويناتۋ ونەرى بۇرىنعى ۋاقىتتاردا قازاق حالقى اراسىندا كەڭىنەن تارالعان. ءارتۇرلى مەرەكە-مەيرامدار مەن ويىن- تويلاردا كوپشىلىكتىڭ كوڭىلىن كوتەرگەن.

الايدا، سوڭعى جىلدارى بىرتىندەپ ازايىپ بارادى ەكەن. سەرىك قىدىرموللا ۇلىنىڭ اكەسى 70 تەن ارتىق كۇيدى شەرتكەن دومبىراشى، كۇيشى بولعان. سەرىك تە بۇل ونەرگە كەندە بولماي، اكەنىڭ ونەرىن جالعاستىرىپ كەلەدى.

اۆتور

بەيسەن سۇلتان

سوڭعى جاڭالىقتار