ءبىز بىرگەمىز: جەتىسايلىق شارۋالار 74 توننا جەمشوپتى ماڭعىستاۋعا جونەلتتى
قازاق حالقىنىڭ ىزگى قاسيەتتەرىنىڭ ءبىرى قايىرىمدىلىق ەكەنى داۋسىز. كەز كەلگەن قيىندىقتى ەل بولىپ جەڭە بىلگەن. ماڭعىستاۋ وبلىسىندا بيىل جاۋىن- شاشىن از تۇسۋىنە بايلانىستى مال ازىعى ءشوپتىڭ جەتكىلىكتى مولشەردە شىقپاي قالۋىنا بايلانىستى قۋاڭشىلىق بولدى. وسىعان وراي ەلىمىزدىڭ ءار ءوڭىرى مۇمكىندىگىنشە كومەك كورسەتىپ وتىر.
ماسەلەن، تۇركىستان وبلىسى جەتىساي اۋدانىنىڭ شارۋالارى «ءبىز بىرگەمىز» اكسياسى اياسىندا 74 توننا پرەسس ءشوپتى ماڭعىستاۋلىقتارعا جونەلتتى. سونداي- اق، جەتىسايلىقتار تاعى دا قوسىمشا 60 توننا مال ازىعىن جونەلتپەك.
ايتا كەتەرلىگى، بىلتىر عانا توپان سۋدان زارداپ شەككەن ماقتاارال اۋدانى ورگەباس اۋىلىنىڭ شارۋالارى دا ءبىر ۆاگون جەمشوپ تيەپ، قيىندىق كورىپ جاتقان شارۋالارعا جىبەردى.
