وليمپيادا ويىندارى وتپەسە، جاپونيا 74 ميلليارد دوللار شىعىنعا باتادى
توكيو. قازاقپارات - توكيوداعى 2020 -جىلعى جازعى وليمپيادا ويىندارىنىڭ بولماۋى جاپون ەكونوميكاسىنا 7,8 تريلليون يەن (74,2 ميلليارد دوللار قازىرگى كۋرس بويىنشا) شىعىن اكەلەدى، دەپ حابارلادى Kyodo اگەنتتىگى.
Nikko Securities جاپون قارجى كومپانياسىنىڭ مالىمەتىنشە، كوروناۆيرۋستىڭ تارالۋ قاۋپىنە بايلانىستى وليمپيادانى بولماۋى ەلدىڭ جالپى ىشكى ءونىم ءوسىمى جىلدىق ەسەپتە % 1,4 - عا قىسقارادى. جاپون كورپوراتسيانىڭ تابىسى 2020 –جىلى % 24,4- عا تومەندەيدى دەپ سانايدى Nikko Securities.
جاپون كومپانياسى ەگەر كوروناۆيرۋستىڭ تارالۋى بيىلعى جىلدىڭ شىلدەسىنە دەيىن تولىعىمەن توقتاماسا، جازعى وليمپيادا ويىندارىنىڭ بولمايتىنىنا سەنىمدى. جاپونيانىڭ ج ءى ءو 2019 -جىلى شامامەن 5,15 تريلليون دوللاردى قۇراعان.
قازىرگى ۋاقىتتا بۇل ەلدە كوروناۆيرۋستى جۇقتىرعاندار سانى 1 مىڭ ادامنان استى، 12- ءسى كوز جۇمعان. ۆيرۋس جۇقتىرعانداردىڭ كوپشىلىگى (696 ادام) - Diamond Princess كرۋيز لاينەرىنىڭ جولاۋشىلارى مەن ەكيپاج مۇشەلەرى.
