بىرىككەن ۇلتتار ۇيىمىنىڭ قۇرىلعانىنا 74 جىل تولدى
نۇر-سۇلتان. قازاقپارات – ب ۇ ۇ 1948 -جىلدان باستاپ 24 - قازان بىرىككەن ۇلتتار ۇيىمىنىڭ كۇنى رەتىندە مەرەكەلەنىپ كەلەدى. 1945 -جىلى 24 - قازاندا بىرىككەن ۇلتتار ۇيىمىن قۇرۋ تۋرالى جارعى كۇشىنە ەنىپ، ۇيىم رەسمي تۇردە قۇرىلدى.
قۇرامىنا 193 مەملەكەت كىرەتىن بۇل حالىقارالىق ۇيىم ەكىنشى دۇنيەجۇزىلىك سوعىستان كەيىن ك س ر و، ا ق ش، قىتاي جانە ۇلى بريتانيا مەملەكەتتەرىنىڭ بەلسەندىلىك تانىتۋىمەن قۇرىلعان بولاتىن.
قازاقستان 1992 -جىلى 2 - ناۋرىزدا ۇيىم مۇشەسى اتانىپ، 1993 -جىلى 16- اقپاندا قازاقستانداعى ب ۇ ۇ وكىلدىگى اشىلدى. جارعىعا سايكەس، ب ۇ ۇ بۇكىل الەمدە بەيبىتشىلىك پەن قاۋىپسىزدىكتى ساقتاۋ، ۇلتتار اراسىنداعى دوستىق قاتىناستاردى دامىتۋ، حالىقارالىق ماسەلەلەردى شەشۋدە حالىقارالىق ىنتىماقتاستىقتى جۇزەگە اسىرۋ مەن ادام قۇقىعىن قۇرمەتتەۋ جانە وسى ماقساتتارعا قول جەتكىزۋدە ۇلتتاردىڭ بىرلەسىپ، ارەكەت ەتەتىن ورتالىعى بولۋ ماقساتتارىن كوزدەيدى. سونداي- اق، 24 - قازان ب ۇ ۇ باس اسسامبلەياسىنىڭ شەشىمىمەن 1972 -جىلى دۇنيەجۇزىلىك دامۋ تۋرالى اقپارات كۇنى بولىپ بەلگىلەندى.
