07:18, 28 - قازان 2016 | GMT +5
تۇركيادا 74 اسكەري قىزمەتكەر قاماۋعا الىندى
استانا. قازاقپارات - تۇركيادا بيىلعى 15- شىلدەدەگى توڭكەرىسكە قاتىسى بار اسكەري قىزمەتكەرلەردى قۇرىقتاۋ وپەراتسياسى ءالى دە جالعاسۋدا.
بۇگىن تاڭەرتەڭ وسى ەلدىڭ قۇزىرلى ورگاندارى كونياعا قاراستى 17 پروۆينتسيا مەن 3- ۇشقىشتار باس قولباسشىلىعىندا ءتىنتۋ جۇرگىزىپ، 74 اسكەري قىزمەتكەردى قاماۋعا الدى، دەپ حابارلايدى حابار 24- تەلەارناسى.
ولارعا كونيا پروۆينتسياسىنىڭ باس پروكۋراتۋراسى «كونستيتۋتسيا تالاپتارىن ورەسكەل بۇزىپ، زاڭ شىعارۋشى ورگاندارىنىڭ قىزمەتىنە كەدەرگى كەلتىردى بيلىككە قارسى كوتەرىلىس ۇيىمداستىردى جانە تەررورلىق ۇيىمعا قولعابىس ەتتى» دەگەن ايىپ تاعۋدا.
ەستەرىڭىزدە بولسا، وسىعان دەيىن مۇنداي اۋىر ايىپپەن 3- ۇشقىشتار جانە كونيا گارنيزونىنىڭ بۇرىنعى قولباسشىسى گەنەرال-مايور حالۋك شاحار مەن جوعارى لاۋازىمدى 23 وفيتسەر تەمىر تورعا توعىتىلعان بولاتىن.
