قازاقستان بيىل مۇناي ءوندىرىسىن 74 ميلليون توننا مەجەسىندە ۇستايدى - ساراپشى
«2014 -جىلى ءبىز ءبىر جىلدا 80 ميلليون توننا مۇناي ءووندىرىپ ەدىك، بيىل ءوندىرىستى 6 ميلليونعا قىسقارتىپ، 74 ميلليون توننا وندىرەمىز دەپ مەجەلەپ وتىرمىز. 74 ميلليون توننا دەگەنىمىز - ءبىر باررەل مۇنايدىڭ باعاسى 35 دوللار كەزىندە 1,5 ميلليارد تەڭگە قىرۋار اقشا دەپ ويلايمىن. وندىرىلەتىن مۇناي كولەمىن بۇدان تومەندەتۋگە كەلىسپەۋ كەرەك شىعار. سەبەبى، ءبىزدىڭ مەملەكەتتىڭ نەگىزگى قارجىسى مۇنايدان كەلەتىن ەكسپورت ەكەنى بەلگىلى. ەگەر بۇدان دا قىسقارتاتىن بولساق، ءوزىمىزدىڭ ءوندىرىستى دامىتۋ، ايماقتى دامىتۋ، بۇدان وزگە الەۋمەتتىك دامۋ باعدارلامالارى قارجىعا تاپشى بولىپ قالادى. سوندىقتان، قازىرگى دەڭگەي بىزگە دە جانە دۇنيەجۇزىلىك مۇناي قاۋىمداستىعىنا دا ىڭعايلى بولادى دەپ ويلايمىز»، - دەدى ر. جاقسىلىقوۆ.
ەستەرىڭىزگە سالا كەتەيىك، راشيد جاقسىلىقوۆ اتاپ وتكەندەي، دوحادا وتكەن و پ ە ك- كە مۇشە جانە ۇيىمعا كىرمەيتىن ەلدەردىڭ كەزدەسۋى قازاقستان كۇتكەن ناتيجە بەرگەن جوق. سەبەبى، يران مەملەكەتى مۇنايدىڭ ءوندىرىسىن ازايتۋعا كەلىسىمىن بەرگەن جوق. جىل باسىن كۇنىنە 500 مىڭ باررەلمەن باستاپ ەدى، ەكى- ءۇش ايدىڭ ىشىندە مۇناي ءوندىرىسىن كۇنىنە 1,5 ميلليون باررەلگە جەتكىزدى. جىل سوڭىنا دەيىن 4 ميلليون باررەلگە جەتكىزەمىز دەپ وتىر.
اۆتور: كەنجەكەي توقتامۇرات قىزى
