شەشەنستاندىق 74 مىڭ ەرىكتى ۋكراينادا ءتارتىپ ورناتۋ تۋرالى بۇيرىقتى كۇتىپ وتىر - رامزان قادىروۆ

استانا. قازاقپارات - «شەشەنستان باسشىسى رامزان قادىروۆ « Рен ТВ» تەلەارناسىنىڭ «نەدەليا» باعدارلاماسىنا بەرگەن سۇحباتىندا «ءتيىستى بۇيرىق بولعان جاعدايدا 74 مىڭ شەشەندىك ۋكرايناعا ءتارتىپ ورناتۋ ءۇشىن بارۋعا دايىن وتىر» دەپ مالىمدەدى،

  بۇل تۋرالى Tengrinews.kz حابارلايدى.

«مەن سىزگە رەسمي تۇردە ايتامىن: مەن ول جاققا بىردە- ءبىر شەشەندى جىبەرگەم جوق. ەگەر بۇيرىق بولسا، وندا 74 مىڭ شەشەندىك ۋكرايناعا ءتارتىپ ورناتۋ ءۇشىن بارۋعا دايىن وتىر» دەدى رامزان قادىروۆ.

دونەتسكى وبلىسىنداعى شەشەندەر تۋرالى سۇراققا، رامزان قادىروۆ، راسىمەن دە ۋكراينانىڭ شىعىسىندا شەشەنستاننان بارعان 14 شەشەن ەرىكتى جاساعى بولعانىن ايتتى. سونداي- اق ول بارۋعا قۇلشىنىس تانىتىپ وتىرعانداردىڭ وتە كوپ ەكەنىن جانە ولاردى ازەر ۇستاپ وتىرعانىن اتاپ ءوتتى. «ەگەر ءبىز ولاردى ۇستاپ وتىرماساق، وندا ۋكراينادا 14 ەمەس 400, ءتىپتى 4000 جاساق بولۋى مۇمكىن ەدى، ويتكەنى ەرىكتىلەر وتە كوپ» دەدى ول.

«الاش ايناسى» گازەتى