گۇلميرا ساتىبالدى 747 ميلليون تەڭگە بيۋجەت قاراجاتىن جىمقىرۋ فاكتىسى بويىنشا تەرگەلۋدە
«شىمكەنت قالاسى بويىنشا سىبايلاس جەمقورلىققا قارسى قىزمەتى «شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسى» م م لاۋازىمدى تۇلعالارى مەن «ازيا-جاڭا استانا» ج ش س باسشىلىعىنا، ونىڭ ىشىندە گۇلميرا ساتىبالدىعا قاتىستى 2021-جىلى ناقتى ورىندالماعان قۇرىلىس-مونتاجداۋ جۇمىستارى ءۇشىن اسا ءىرى مولشەردە (747 ميلليون تەڭگە) بيۋجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ جۇرگىزۋدە»، - دەلىنگەن اگەنتتىك حابارلاماسىندا.
وزگە اقپارات تەرگەۋ مۇددەسىندە جاريا ەتۋگە جاتپايدى.
ەسكە سالساق، قايرات ساتىبالدى ۇلىمەن بىرگە ونىڭ بۇرىنعى جۇبايى گۇلميرا ساتىبالدا دا كۇدىككە ىلىنگەن بولاتىن.
سىبايلاس جەمقورلىققا قارسى قىزمەتتىڭ مالىمەتىنشە، اگەنتتىك قايرات ساتىبالدى ۇلىنا، ونىڭ بۇرىنعى جۇبايى گۇلميرا ساتىبالدىعا جانە باسقا دا تۇلعالارعا قاتىستى بيزنەستى رەيدەرلىك باسىپ الۋ فاكتىسى بويىنشا سوتقا دەيىنگى تەرگەۋدى باستاعان. كەيىن گۇلميرا ساتىبالدى ەكى ايعا قاماۋعا الىندى.
