قازاقستاندىق ازامات قاراقۇيرىقتى اتقاندىعى ءۇشىن شامامەن 740 مىڭ تەڭگە تولەدى

استانا. قازاقپارات - تابيعاتتى قورعاۋ پوليسيا قىزمەتكەرلەرى پروكۋراتۋرا قىزمەتكەرلەرىمەن بىرلەسە وتىرىپ بالقاش اۋدانىنىڭ تەرريتورياسىندا، قىزىل كىتاپقا ەنگەن جانۋارلاردى زاڭسىز اتقان، ەكى جەرگىلىكتى تۇرعىندى قۇرىقتادى.

بۇل تۋرالى Almaty.tv ءتىلشىسى الماتى وبلىسى ءى ءى د- ءنىڭ باسپا ءسوز قىزمەتىنە سىلتەمە جاساي وتىرىپ حابارلايدى.

«ولاردىڭ ءبىرى قاروي - باقاناس اۆتوجولىندا ۇستالدى. قۇقىق قورعاۋشىلار ونىڭ ۋازيگىنەن 13 ءتۇرلى قۇستىڭ جانە ءبىر قاراقۇيرىقتىڭ ەتىن، سونىمەن قاتار، ءبىر اۋىزدى مىلتىقتى انىقتادى. ءدال سونداي ولجا، ياعني قاراقۇيرىقتىڭ ەتى باقاناس - قاپشاعاي تاس جولىندا ۇستالعان جۇرگىزۋشىنىڭ كولىگىنىڭ جۇك سالعىشىنان تابىلدا»، - دەلىنگەن حابارلامادا.

ۇستالعانداردىڭ ءبىرى قاراقۇيرىقتى اتقانى ءۇشىن مەملەكەتكە كەلتىرگەن شىعىنىن وتەدى. براكونەر مەملەكەتتىك قازىناعا 740 مىڭ تەڭگە كولەمىندە ايىپپۇل تولەدى.

دەسە دە، زاڭسىز اڭشىلىق ەتى تۋراسىنداعى ەكى فاكتىسى تۋراسىندا ق ر ق ك 288 - بابى بويىنشا قىلمىستىق ءىس قوزعالدى. كۇدىكتىلەردەن قارۋلارى تاركىلەنىپ، قىلمىستىق ىسكە زاتتىق ايعاق تۇرىندە تارتىلدى.