پوليتسەيلەر 74,5 ميلليون تەڭگەنى ۇرلاپ كەتكەن قىلمىسكەردى قولعا ءتۇسىردى

قىزىلوردا وبلىسى پوليتسيا دەپارتامەنتىنىڭ كريمينالدىق پوليتسيا باسقارماسىنىڭ قىزمەتكەرلەرى 2014 -جىلدان بەرى ىزدەۋدە جۇرگەن قىلمىسكەردى ۇستادى. قوستاناي وبلىسىنىڭ 56 جاستاعى تۇرعىنى ادامدار توبىنىڭ الدىن الا ءسوز بايلاسۋى ارقىلى اسا ءىرى مولشەردە ۇرلىق جاساعان.
«ول 2012 -جىلدىڭ اقپان ايىندا سىبايلاسىمەن بىرگە جالعان كەلىسىم- شارت جاساعان. ناتيجەسىندە قىزىلوردا قالاسىنداعى فيرمالاردىڭ بىرىنەن 74580940 تەڭگەنى بانك ارقىلى ەسەپشوتىنا اۋدارىپ، جىمقىرىپ كەتكەن. وعان قاتىستى قىلمىستىق ءىس قوزعالدى. باس شاراسى بويىنشا «قاماۋعا الۋ» بۇلتارتپاۋ شاراسى قولدانىلىپ، ىزدەۋ جاريالانعان بولاتىن. ارنايى ىزدەستىرۋ ءىسى ارنالىپ، ءتيىستى شارالار جۇرگىزىلگەن»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
ۆەدومستۆو مالىمەتىنشە، قىزىلوردا وبلىسى پوليتسيا دەپارتامەنتىنىڭ قىزمەتكەرلەرى ونى اقمولا وبلىسىندا قولعا ءتۇسىردى. ول نۇر-سۇلتان قالاسىندا قاماۋعا الىنعان.
ەسكە سالساق، بۇدان بۇرىن قىزىلوردادا بىرەۋدىڭ اۋلاسىنان 5 ميلليون تەڭگەنىڭ قۇرىلىس زاتتارىن ۇرلاعان ادام ۇستالدى.
اۆتور: ءادىلجان ۇمبەت