بەلارۋس 73 ەلدىڭ ازاماتتارىن ۆيزاسىز كىرگىزىپ، كوروناۆيرۋسقا قارسى ەگەدى
«بۇل، 1-شىلدە كۇنى بەلارۋس پرەزيدەنتى الەكساندر لۋكاشەنكو قول قويعان №251 جارلىقتا ايتىلعان»، - دەپ ءمالىم ەتتى پرەزيدەنتتىڭ باسپا ءسوز قىزمەتىنەن.
شەتەل ازاماتتارىن COVID-19-عا قارسى ەگۋ ەلدىڭ دەنساۋلىق ساقتاۋ مينيسترلىگى بەلگىلەگەن مەديتسينا مەكەمەلەرىندە جۇرگىزۋ جوسپارلانعان. مينيسترلەر كەڭەسى شەتەلدىكتەردىڭ ۆاكسيناتسياعا وتىنىمدەرىن جيناۋ، وڭدەۋ جانە ەسەپكە الۋ ءۇشىن اقپاراتتىق جۇيە قىزمەتىنىڭ ءتارتىبىن جانە وسى ازاماتتاردىڭ بەلارۋسقا كەلۋ ەرەجەسىن بەكىتتى.
ۆاكسينالاۋدى وتكىزۋ جونىندەگى بەكىتىلگەن ەرەجە (اقپاراتتىق جۇيەدە وتىنىمدەردى جيناۋ جانە وڭدەۋ، قىزمەت كورسەتۋ جانە ۆاكسيناتسيا تۋرالى سەرتيفيكات تولتىرۋ) بارلىق شەت ەل مەملەكەتتەرىنىڭ ازاماتتارىنا، سونىڭ ىشىندە وزگە نەگىزدەر بويىنشا بەلارۋسقا ۆيزاسىز كەلۋگە قۇقىعى بار ازاماتتارعا تاراتىلادى. بۇعان دەيىن بەلارۋس 2021 -جىلدىڭ سوڭىنا دەيىن ءوز ۆاكسيناسىن وندىرەتىنى حابارلانعان
