پاكىستان پويىزىنداعى ءورت: قازا بولعاندار سانى 73 كە جەتتى
راحيم يار حان. قازاقپارات - بۇگىن تاڭەرتەڭ پاكىستاندا كاراچيدەن راۆالپينديگە بارا جاتقان جۇردەك پويىزدا تۇتانعان ورتتەن مەرت بولعاندار سانى 73 كە جەتتى. بۇل تۋرالى Geo News سايتى ءمالىم ەتتى، دەپ حابارلايدى قازاقپارات.
ءورت جولاۋشىلار وزدەرىنە تاڭعى اس ازىرلەپ جاتقان كەزدە گاز باللونىنىڭ جارىلۋىنان شىققان. جالىن ەكونوم- ساناتتاعى ەكى ۆاگوندى جانە بيزنەس- ساناتتاعى ءبىر ۆاگوندى شارپىعان.
ەلدىڭ تەمىرجول كولىگى ءمينيسترى شەيح راشيد احمەدتىڭ مالىمدەۋىنشە، قازىر ءورت سوندىرىلگەن.
ونىڭ ايتۋىنشا، قۇربانداردىڭ كوبى - ءتىلسىز جاۋدان قۇتىلۋ ءۇشىن پويىزدان سەكىرىپ قازا تاپقاندار.
