شىعىس قازاقستاندا «ءبىرقاباتتى شىعىس» باعدارلاماسى اياسىندا 735 جەر ءۇي سالىنىپ جاتىر

ش ق و اكىمدىگىنىڭ مالىمەتىنە سۇيەنسەك، وڭىرلىك باعدارلاما ءبىرىنشى كەزەكتە قالالار مەن اۋداندارداعى كوپبالالى جانە تۇرمىسى تومەن وتباسىلاردى قولداۋعا باعىتتالعان. وبلىستا قۇرىلىس جۇمىستارىنىڭ قارقىندى جۇرگىزىلىپ جاتقانىنا قاراماستان اتالعان ساناتتاعى ازاماتتار اراسىندا باسپاناعا مۇقتاجدار ءالى كۇنگە دەيىن از ەمەس.
«ءبىرقاباتتى شىعىس» باعدارلاماسى شەڭبەرىندە جەكە ينۆەستورلاردان 16 ميلليارد تەڭگە تارتىلعان. وسىلايشا، قازىرگى ۋاقىتتا 735 جەر ءۇي سالىنىپ جاتىر.
تۇرعىن ۇيلەردىڭ جالپى اۋدانى 105,9 مىڭ شارشى مەتردى قۇرايدى. سونىمەن قاتار مەملەكەتتىك قاراجات ەسەبىنەن كوممەرتسيالىق تۇرعىن ۇيلەر سالىنىپ جاتقان اۋماقتارعا ينجەنەرلىك كوممۋنيكاتسيالار تارتىلۋدا.
وتكەن جىلى وسى باعدارلاما بويىنشا 106 مىڭ شارشى مەتر جەكە تۇرعىن ءۇي سالىنعان.
ەستەرىڭىزگە سالا كەتسەك، وسىعان دەيىن ش ق و- دا ينۆەستورلار ەسەبىنەن 82 كوپقاباتتى ءۇي سالىنىپ جاتقانىن حابارلاعان ەدىك.