الەمدە 733 ميلليون ادام ءالى كۇنگە دەيىن ەلەكتر قۋاتىنسىز وتىر

بۇل تۋرالى قازاقپارات ب ۇ ۇ جاڭالىقتارى سايتىنا سىلتەمە جاساپ حابارلايدى. COVID-19 پاندەمياسى ەلەكتر قۋاتىنا، تازا وتىنعا جانە تاماق ءپىسىرۋ تەحنولوگيالارىنا جالپىعا بىردەي قولجەتىمدىلىكتى باياۋلاتتى، ال ۋكرايناداعى سوعىستىڭ سالدارى جاڭا قيىندىقتارعا اكەلۋى مۇمكىن. جاعداي وزگەرمەسە، 2030 -جىلعا قاراي 670 ميلليون ادامنىڭ ءالى دە ەلەكتر جارىعىنسىز قالاتىنى بولجانىپ وتىر. بۇل تۋرالى ب ۇ ۇ- نىڭ قولداۋىمەن دايىندالعان باياندامادا ايتىلعان. 2022 -جىلعا ارنالعان

«ەنەرگەتيكا سالاسىنداعى پروگرەسس تۋرالى» جاڭا ەسەپتى ب ۇ ۇ اگەنتتىكتەرى مەن ونىڭ تۇراقتى دامۋ ماقساتتارىنىڭ بىرىنە كىرەتىن تدو-7 كۋراتور- اگەنتتىكتەرى ازىرلەدى. 2030 -جىلعا قاراي ساپا بويىنشا زاماناۋي ستاندارتتارعا سايكەس كەلەتىن ەنەرگياعا امبەباپ قولجەتىمدىلىكتى قامتاماسىز ەتەدى. پاندەميانىڭ اسەرى، سونىڭ ىشىندە دۇكەندەردىڭ جابىلۋى، جاھاندىق جەتكىزۋ تىزبەگىنىڭ ءۇزىلۋى جانە ازىق- تۇلىك پەن جانارمايدىڭ قولجەتىمدى باعاسىن ۇستاپ تۇرۋ ءۇشىن فيسكالدىق رەسۋرستاردى قايتا ءبولۋ تدو-7-گە جەتۋ قارقىنىنا اسەر ەتتى. پروگرەسس اسىرەسە ەڭ وسال جانە ەنەرگەتيكادا ارتتا قالعان ەلدەردە باياۋ جۇرگەن.

بۇرىن ەلەكتر قۋاتىنا قول جەتكىزگەن ازيا مەن افريكاداعى 90 ميلليونعا جۋىق ادام بۇدان بىلاي ەنەرگياعا دەگەن قاجەتتىلىگىن تولەي المايدى. جالپى افريكا الەمدە ەلەكتر جابدىعىمەن از قامتىلعان ەل بولىپ قالىپ وتىر. قۇرلىقتىڭ 568 ميلليون تۇرعىنى ەلەكتر قۋاتىنا قول جەتكىزە المايدى. ساحارانىڭ وڭتۇستىگىندەگى افريكانىڭ ەلەكتر قۋاتىنا قول جەتكىزە المايتىن حالقىنىڭ ۇلەسى 2018 -جىلعى 71 پايىزدان 2020 -جىلى 77 پايىزعا دەيىن وسكەن.

اۆتور: زارينا تۋعانبايەۆا