كوروناۆيرۋس: ەلوردادا 730 ناۋقاس اۋرۋحانادا جاتىر

نۇر-سۇلتان. قازاقپارات - ەلوردادا كوروناۆيرۋس جۇقتىرعان 18 ناۋقاستىڭ جاعدايى وتە اۋىر. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ءمالىم ەتتى، دەپ حابارلايدى قازاقپارات ءتىلشىسى.

«سونىمەن قاتار، دارىگەرگە كەش قارالۋ، ءوزىن-ءوزى ەمدەۋ جاعدايلارى ناۋقاستاردىڭ دەنساۋلىعىنىڭ ناشارلاۋىنا اكەلىپ سوقتىردى. ناۋقاستار دەرەۋ جانساقتاۋ بولىمىنە جاتقىزىلدى. بۇگىندە كوروناۆيرۋس ينفەكسياسىمەن 730 ناۋقاس اۋرۋحانادا جاتىر. ولاردىڭ ىشىندە 48 ىنىڭ جاعدايى اۋىر، سونىڭ اراسىندا 18 ناۋقاس وتە اۋىر جاعدايدا. ولاردىڭ وكپەلەرى جاساندى جەلدەتۋ اپپاراتىنا قوسىلعان»، - دەدى س. قيسىقوۆا ورتالىق كوممۋنيكاتسيالار قىزمەتىندە.

بۇدان بۇرىن حابارلانعانداي، ەلوردادا ۆيرۋس جۇقتىرعان جالپى 2620 ادام انىقتالدى. ونىڭ ىشىندە 270 ى بالا. 1829 ناۋقاس نەمەسە 70 پايىزى جازىلىپ شىقتى.

وكىنىشكە قاراي، تولىق كولەمدە جۇرگىزىلگەن مەديتسينالىق كومەككە قاراماستان، 14 ادام قايتىس بولدى.

اۆتور: رۋسلان عابباسوۆ