وتە السىرەگەن: 72 جاستاعى جەتىسۋلىق اجەي ءۇش كۇننەن كەيىن تابىلدى
پانفيلوۆ اۋدانىندا جوعالىپ كەتكەن ءورىنبۇبى مۇحانوۆا تابىلدى. 13- مامىردا ۇيىنەن شىعىپ كەتكەن زەينەتكەردى ىزدەۋ شارالارى ءۇش كۇننەن استام ۋاقىتقا سوزىلدى. السىرەگەن قارت ءوزىنىڭ تۋعان لەسنوۆكا اۋىلىنان 15-20 شاقىرىم جەردەگى ەسكى اسكەري پوليگوننىڭ جانىنان تابىلدى.
پوليتسەيلەر ايەلدى ىزدەۋ جۇمىستارىنا تۋىستارىنان بولەك، ۆولونتەرلەر، شەكاراشىلار مەن جەرگىلىكتى حالىقتى (بارلىعى 100 گە جۋىق ادام) تارتتى.
ىزدەستىرۋ توبىنىڭ ءبىرى قالىڭ توعاي اراسىنان اجەيدىڭ ورامالىن تاۋىپ، ىزدەۋ باعىتىن انىقتاي الدى.
«جالعىز ءوزى جۇرگەن ايەلدى جەرگىلىكتى شوپاندار بايقاپ، ونىڭ ىزىنە ءتۇسىپ كەلە جاتقان ىزدەۋشىلەرگە حابارلاعان. تاماق پەن سۋسىز ول وتە السىرەپ قالعان. مەديتسينالىق كومەك كورسەتىلگەننەن كەيىن تۋىستارى اجەيدى ۇيىنە الىپ كەتتى»، - دەلىنگەن جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
كەيۋانانى ىزدەۋگە 100 جۋىق ەرىكتى جۇمىلدىرىلعانىن بۇعان دەيىن جازعان بولاتىنبىز.
