12:55, 14 - ناۋرىز 2022 | GMT +6
قاڭتار وقيعاسىنا قاتىسقان 72 ادام سوتتالدى
نۇر-سۇلتان. قازاقپارات - قاڭتار وقيعاسىنا قاتىسقان 72 ادام سوتتالدى. بۇل تۋرالى ماجىلىستە ق ر ىشكى ىستەر ءمينيسترى مارات احمەتجانوۆ ايتتى، دەپ حابارلايدى قازاقپارات ءتىلشىسى.
«قازىر پوليتسيانىڭ تەرگەۋىندە 2919 قىلمىستىق ءىس بار. 1 مىڭنان استام كۇدىكتى قىلمىستىق جاۋاپتىلىققا تارتىلىپ جاتىر. مەملەكەت باسشىسى جازانى جەڭىلدەتەتىن جاعدايلاردى ەسكەرۋدى تاپسىردى. سوندىقتان وسى 400 دەن اسا كۇدىكتىنىڭ ىشىنەن 219 ى قاماۋدان بوساتىلدى. ال، اۋىر جانە اسا اۋىر قىلمىس جاساعان 184 كۇدىكتى قاماۋدا»، - دەدى مينيستر.
ونىڭ دەرەگىنشە، تەرگەۋ بارىسىندا 12 مىڭنان استام ازاماتتان جاۋاپ الىندى. 2 مىڭداي ساراپتاما تاعايىندالدى.
«بۇگىنگى تاڭدا 229 ايىپتالۋشىعا قاتىستى ءىس سوتقا جولداندى. قازىردىڭ وزىندە 72 ادام سوتتالدى. ونىڭ بەسەۋى باس بوستاندىعىنان ايىرىلدى. قالعاندارى باسقا جازالارىنا تارتىلدى»، - دەدى مارات احمەتجانوۆ.
اۆتور: مارلان جيەمباي