قاڭتار وقيعاسى: قىزىلوردادا 72 قىلمىستىق ءىس بويىنشا تەرگەۋ امالى جۇرگىزىلۋدە
وبلىس بويىنشا 72 قىلمىستىق ءىس تىركەلدى. ونىڭ ىشىندە 5 ءى تەرروريزم، 2 ءى ادام ءولتىرۋ، 1 ءى جاپپاي تارتىپسىزدىك، 4 ءى قارۋلاردى جىمقىرۋ، 4 ءى بيلىك وكىلىنە قاتىستى كۇش قولدانۋ، 2 ءى لاۋازىمدىق وكىلەتتىكتەردى اسىرا پايدالانۋ جانە 54 ءى باسقا دەرەكتەر بويىنشا قوزعالعان.
«بۇگىنگى كۇنى وقيعا ورنىن قاراپ-تەكسەرۋ بارىسىندا 100 دەن استام بەينەجازبا، 83 دانا قول-ساۋساق ءىزى، 73 دانا گيلزا جانە باسقا دا زاتتاي دالەلدەمەلەر الىندى. ۇستالعانداردان 6 اتىس قارۋى مەن 63 پاترون تاركىلەندى. تەرگەپ-تەكسەرۋ بارىسىندا 960 ادام، ونىڭ ىشىندە قىلمىستىق ءىس شەڭبەرىندە 351 ادام پوليتسيا ورگاندارىنا جەتكىزىلدى. قىلمىستىق قۇقىق بۇزۋشىلىقتارعا قاتىسى بار ەكەندىگى بۇلتارتپاس ايعاقپەن بەكىتىلگەن 103 ادام كۇدىكتى رەتىندە تانىلدى»، - دەدى وبلىس پروكۋرورىنىڭ ءبىرىنشى ورىنباسارى ماقسات قازيەۆ.
ايتا كەتۋ كەرەك، 103 كۇدىكتىنىڭ 63 ءى سوتتىڭ سانكتسياسىمەن قاماۋعا الىندى. قالعانىنىڭ دەنساۋلىق جانە وتباسى جاعدايىنا بايلانىستى 40 ادامعا قاتىستى بۇلتارتپاۋ شارالارى قولدانىلدى.
پروكۋراتۋرانىڭ باستاماسىمەن 18 كۇدىكتىگە قاتىستى، ونىڭ ىشىندە 1 اۋىر ناۋقاس، 2 كوپ بالالى انا بۇلتارتپاۋ شاراسى نەگىزىندە ءۇي قاماققا اۋىستىرىلدى. ال 1 ادام نەگىزسىز ۇستالۋىنا بايلانىستى ۋاقىتشا ۇستاۋ يزولياتورىنان بوساتىلدى.
ەسكە سالساق، قىزىلوردادا قاڭتار وقيعاسى كەزىندە ءمايىتحانادان 6 ادامنىڭ دەنەسى ۇرلانعان.
