08:45, 08 - جەلتوقسان 2021 | GMT +5
ماسكەۋدە سوڭعى 72 جىلدا جاۋماعان قار ءتۇستى
نۇر-سۇلتان.قازاقپارات - رەسەي استاناسىندا قار قالىڭ ءتۇستى. بۇعان جەرورتا تەڭىزىنەن كەلگەن جىلى اتموسفەرالىق اعىس اسەر ەتكەن، دەپ حابارلايدى «حابار 24».
ەل استاناسىنىڭ اۋەجايلارىندا 30 رەيس كەيىنگە قالدى. قالاعا كىرەر جولداردا جۇك كولىكتەرى اق قيىرشىق قارعا مالتىعىپ، بىرنەشە شاقىرىمعا سوزىلعان كەپتەلىستە تۇر. سوڭعى 72 جىلدا بۇل كۇنى وسىنشاما قار جاۋماعان. سينوپتيكتەر ماسكەۋدە الداعى ەكى كۇندە الدە دە قار جاۋادى دەپ ەسكەرتىپ وتىر.
