قازاقستاندا 72 مىڭ كاسىپكەر جەكە تابىس سالىعىنان بوساتىلادى
«ۇكىمەت تاراپىنان ازىق-تۇلىك پەن حالىققا قاجەتتى تاۋارلارمەن قامتاماسىز ەتۋ جولدارى تولىعىمەن قاراستىرىلعان. بۇل جۇمىستارعا بۇگىن دە 32 ميلليارد تەڭگەدەن استام اقشا ءبولۋ جوسپارلانۋدا. ونىڭ شىىندە رەسپۋبليكالىق بيۋدجەتتەن 14,8 ميلليارد تەڭگە، قالعانى جەرگىلىكتى بيۋجەتتەن اۋدارىلادى. قاجەتتى تاۋارلاردىڭ باعاسىن كوتەرۋ فاكتىلەرى كەزدەسكەن جاعدايدا قاتاڭ تۇردە زاڭدى شارالار قولدانىلاتىن بولادى»، - دەدى ەرالى توعجانوۆ ۇكىمەتتىڭ باسپا ءسوز ورتالىعىندا وتكەن ونلاين رەجىمدەگى بريفينگ بارىسىندا.
ۇكىمەت باسشىسىنىڭ ورىنباسارى كاسىپكەرلەردى قولداۋ ماقساتىندا سالىقتاردىڭ ءبىرقاتار تۇرىنە جەڭىلدىكتەر قاراستىرىلعانىن جەتكىزدى.
«ولار - شاعىن جانە ورتا بيزنەستىڭ جەكەلەگەن ساناتتارى ءۇشىن، ونىڭ ىشىندە ساۋدا-ويىن ساۋىق ورتالىقتارى، كينوتەاترلار مەن كورمەلەر، جەكە مۇلىك تولەنەتىن سالىقتار دا، سالىق بويىنشا قارىزدارىن تولەۋدى ۋاقىتشا توقتاتۋ. جالپى تارتىپتە جۇمىس ىستەيتىن 72 مىڭ كاسىپكەردى جىلدىڭ اياعىنا دەيىن 10 پايىزدىق جەكە تابىس سالىعىنان بوساتۋ كوزدەلگەن. بۇل شارالار قارجى جاعدايى ناشارلاعان بيزنەس وكىلدەرىن قولداۋ ءۇشىن جاسالادى»، - دەدى ول.
