قىتايلىق زەينەتكەر 72 جاسىندا جىنىسىن اۋىستىردى

 استانا. قازاقپارات - بەيجىڭ قالاسىندا تۇراتىن 72 جاستاعى زەينەتكەر جىنىس اۋىستىراتىن وتا جاساتىپ، ەردەن ايەلگە اينالدى، دەپ جازدى جۇما كۇنى China Daily گازەتى.

باسىلىمنىڭ جازۋىنشا، وتا سارسەنبى كۇنى قىتايدىڭ وڭتۇستىگىندەگى گۋاندۋن پروۆينتسياسى، حۋەيچجوۋ قالاسىندا جاسالدى. 72 جاستاعى قارتقا كەۋدە يمپلانتتارى ورناتىلعان. سونداي- اق، زەينەتكەر قىناپ ورناتۋ وتاسىن دا باستان وتكەردى.

"مەن ءوز ارمانىمدى ىسكە اسىردىم - مەن ايەل بولدىم"، - دەپ مالىمدەدى وتادان كەيىن ناۋقاس. وتا الدىندا سين يۋە ءبىرقاتار تەستتەن ءوتىپ، جىنىسىن اۋىستىرعىسى كەلەتىنىنە دارىگەرلەردى سەندىرۋ ءۇشىن 1 مىڭنان استام سۇراقتارعا جاۋاپ بەرگەن.

 سين يۋەنىڭ ايتۋىنشا، بالا كۇنىندە ول ءجيى- ءجيى قىز بولىپ كيىنگەن. 1970 -جىلى ۇيلەنىپ، ءۇش جىلدان كەيىن قىزدى بولعان. 2000 -جىلى ەرلى- زايىپتىلار اجىراسىپ كەتكەن.