20:33, 18 - مامىر 2016 | GMT +5
اۆستراليالىق 72 جاستاعى زەينەتكەر ءۇش ساعات بويى قولتىراۋىندارمەن ايقاستى
استانا. قازاقپارات - اۆستراليادا 72 جاستاعى ەر ادام ءۇش ساعات بويى قولتىراۋىنداردان قولىندا بار قۇرالدارمەن قورعاندى.
ول بۇعان كىلت، وتالدىرۋ بىلتەسى جانە باسقا دا زاتتاردى پايدالاندى.
The Guardian- نىڭ حابارلاۋىنشا، دارۆين قالاسىندا قولتىراۋىن ەكى ەر ادام وتىرعان قايىققا شابۋىل جاساعان. ولاردىڭ بىرەۋى سۋعا تۇنشىعىپ، باتىپ كەتسە، ەكىنشىسى باسقا قولتىراۋىندار ءورىپ جۇرگەن جاعاعا شىعا الدى.
زەينەتكەر رەپتيليالاردان ءۇش ساعات بويى ايقاستى، ونىڭ جانۇشىرعان داۋىسىن تەڭىز شاياندارىن اۋلاۋشىلار ەستىگەن. ولار ەر ادامعا قايىعىنا مىنۋگە كومەكتەسىپ، باتىپ كەتكەن دوسىنىڭ دەنەسىن سۋدان الىپ شىقتى. قاتتى شوشىنعان ەگدە جاستاعى ەر ادام اۋرۋحاناعا جەتكىزىلدى، دەپ جازادى russian.rt.com.
