قاڭتار قاسىرەتى: اۋىر جانە اسا اۋىر قىلمىستار جاساعان 728 ادام تەرگەۋ يزولياتورىندا وتىر
بۇل تۋرالى ق ر قىلمىستىق- اتقارۋ جۇيەسى كوميتەتى ءتوراعاسىنىڭ ورىنباسارى مەيرام ايۋبايەۆ ايتتى، دەپ حابارلايدى قازاقپارات ءتىلشىسى.
«بۇگىنگى كۇنى تەرگەۋ يزولياتورلارىندا 728 ادام قاماۋدا وتىر. ولاردىڭ بارلىعى اۋىر جانە اسا اۋىر قىلمىستار جاسادى دەگەن كۇدىككە ءىلىندى. تاعىلعان ايىپقا باعا بەرۋ سوتتىڭ قۇزىرىنا جاتادى جانە ۇسىنىلعان دالەلدەردىڭ نەگىزىندە بەرىلەدى. ول: بەينەجازبالار، كۋالاردىڭ ايعاقتارىمەن جانە باسقا ماتەريالدار»، - دەدى ءتوراعا ورىنباسارى ىشكى ىستەر مينيسترلىگىنىڭ باسپا ءسوز قىزمەتى الاڭىندا وتكەن بريفينگتە.
ونىڭ اتاپ وتۋىنشە، قاڭتاردا الماتىدا جانە باسقا دا ءبىرقاتار وبلىس ورتالىقتارىندا توناۋلار ورىن الدى. عيماراتتار مەن اۆتوكولىكتەر ورتەلىپ، بەيبىت تۇرعىندارعا زورلىق- زومبىلىق، پوليتسيا جانە اسكەري قىزمەتكەرلەرگە شابۋىل جاسالدى.
«وسى كەزەڭدە ەلىمىزدە كوپتەگەن عيماراتتار تونالىپ، ورتەلدى، جۇزدەگەن اۆتوكولىكتەر جويىلدى. مەملەكەتتىك جانە جەكە مەنشىككە ءىرى مولشەردە ماتەريالدىق زالال كەلتىرىلدى»، - دەدى مەيرام ايۋبايەۆ.
