جەتىسۋ وبلىسىنىڭ قىتايمەن تاۋار اينالىمى 720 ميلليون ا ق ش دوللارىنا جەتتى

جىلىنا 9 ميلليون توننا جۇك ساقتاپ، وڭدەيتىن تاعى ءبىر ءىرى لوگيستيكالىق كەشەن قۇرىلىسى باستالدى. بۇل تۋرالى تالدىقورعاندا وتكەن قازاقستان مەن قىتايدىڭ ءوڭىرارالىق بيزنەس فورۋمىندا ايتىلدى. ەكونوميكانى ەسەلەپ، تاۋار اينالىمدى نىعايتۋعا باعىتتالعان باس قوسۋعا جەتىسۋ وبلىسى مەن شىڭجاڭ- ۇيعىر اۆتونوميالىق ولكەسىنىڭ باسشىلارى قاتىستى.

شەكارالاس ەكى ايماق ينۆەستيتسيالىق الەۋەتىن تانىستىرىپ، ناقتى جوبالارعا توقتالدى. كەزدەسۋ بارىسىندا تاراپتار شەكارالى ايماقتا ەلەكتر قۋاتىن وندىرەتىن نىساندار سالۋ بويىنشا مەموراندۋمعا قول قويدى.

ما چجەنسيان، «تۆەا» كومپانياسىنىڭ حالىقارالىق قاتىناستار بويىنشا ديرەكتورى:

ءبىز قازىر قازاقستانعا ناقتى ءۇش باعىت بويىنشا جوبالارىمىزدى ۇسىنىپ وتىرمىز. ءبىرىنشىسى 50 مەگاۆاتتىق كۇن كوزىنەن قۋات الاتىن ستانسيا. ەكىنشىسى 350 مەگاۆاتتتىق گاز ەلەكترستانسياسى. جانە 500 مەگيەۆاتتىق جەل ەلەكترستانسياسى. وسى ءۇش جوبانى اياعىنا دەيىن جەتكىزۋگە بار كۇشىمىزدى سالامىز.

https://qazaqstan.tv