15:31, 04 - قاڭتار 2018 | GMT +5
كەيت بلانشەتت 71- كانن كينوفەستيۆالىنىڭ قازىلار القاسىن باسقارادى
استانا. قازاقپارات - اۆستراليالىق اكتريسا، «وسكار» جۇلدەسىنىڭ ەكى مارتە لاۋرەاتى كەيت بلانشەتت 71- كانن كينوفەستيۆالىنىڭ قازىلار القاسىن باسقارادى.
بۇل تۋرالى فرانس-پرەسس حابارلادى.
كەيت بلانشەتت ءوز كورەرمەندەرىنە كوپتەگەن كينولەنتالار ارقىلى تانىس. ول «ساقينالار ءامىرشىسى»، «بەدجامين باتتونىڭ جۇمباق وقيعاسى»، «كەرول»، «زولۋشكا»، «التىن عاسىر» سياقتى كوپتەگەن فيلمدەرگە تۇسكەن.
قازىلار قاتارىندا كەيت تۇڭعىش رەت بولماقشى. كانن فەستيۆالىنىڭ پرەزيدەنتى پەر لەسكيۋر اكتريساعا سەنىم ارتىپ، ونىڭ بىرەگەيلىگىن جانە تالانتىن ەرەكشە اتاپ وتكەن بولاتىن.
