مەككەدەگى 719 ادامنىڭ ءومىرىن قيعان قايعىلى وقيعانىڭ ورىن الۋىنا نە سەبەپ بولدى؟
ەل بيلىگى بۇل قاسىرەتكە قاجىعا كەلگەندەردىڭ ەرەجەلەردى مۇقيات ساقتاماعانى سەبەپ دەيدى.
جينالعانداردىڭ ءبىرازى بەكىتىلگەن قوزعالىس كەستەسىنەن اۋىتقىپ كەتكەن. ال سۇمدىق جاعدايدى كوزىمەن كورگەن كۋاگەرلەر پوليتسەيلەردىڭ بىلىكتىلىگى وتە تومەن دەيدى. ولاردىڭ ايتۋىنشا، ءتارتىپ ساقشىلارى قاجىلار لاگەرلەرىنە اپاراتىن جولداردىڭ كوپ بولىگىن جاۋىپ تاستاعان.
ال كەيبىر اقپارات كوزدەرى قايعىلى وقيعا قاسىندا 350 سەرىگى بار ساۋديالىق حانزادانىڭ كەلۋىنەن كەيىن بولدى دەپ حابارلادى. ءبىراق رەسمي بيلىك بۇل مالىمەتتى جوققا شىعاردى.
ەستەرىڭىزگە سالا كەتەيىك، مەككەنىڭ ىرگەسىندەگى مينا جازىعىنداعى قاسىرەتتى جاعداي 24- قىركۇيەك كۇنى شايتانعا تاس لاقتىرۋ ءراسىمى كەزىندە بولعان، دەپ جازادى 24.kz.
