قاڭتار وقيعاسىندا ءتۇرلى زاڭسىز ارەكەتتەر جاساعان 717 ادام سوتتالدى - باس پروكۋراتۋرا
بۇل تۋرالى باس پروكۋراتۋرانىڭ باسپا ءسوز قىزمەتى مالىمدەدى، دەپ حابارلايدى قازاقپارات ءتىلشىسى.
«جىل باسىنان بەرى پروكۋرورلار قاڭتار وقيعاسىنىڭ سەبەپتەرىن، تەررورلىق شابۋىلدار مەن جاپپاي تارتىپسىزدىكتەردى ۇيىمداستىرۋشىلار مەن بەلسەندى قاتىسۋشىلاردى انىقتاۋعا جۇمىلدىرىلدى. بۇگىنگى كۇنى وسى وقيعالاردى تەرگەۋ ناتيجەلەرى بويىنشا سوتقا 474 قىلمىستىق ءىس جولداندى. جاپپاي تارتىپسىزدىككە قاتىسقان، ۇرلىق جاساعان، قارۋ ساقتاعان 717 ادام سوتتالدى»، - دەپ ءمالىم ەتتى باس پروكۋراتۋرانىڭ باسپا ءسوز قىزمەتىنەن.
بۇدان بولەك، قۇزىرلى ورگان سوتقا دەيىنگى تەرگەۋ بارىسىندا ازاماتتاردىڭ كونستيتۋتسيالىق قۇقىقتارىنىڭ بۇزىلۋ فاكتىلەرى ازايعانىن ءمالىم ەتتى.
«تەرگەۋ ساتىسىنداعى ازاماتتاردىڭ كونستيتۋتسيالىق قۇقىقتارىن قورعاۋعا ەرەكشە نازار اۋدارىلىپ وتىر. جىل باسىنان بەرى 1077 تۇلعاعا قاتىستى نەگىزسىز قىلمىستىق قۋدالاۋ توقتاتىلدى. قىزمەتتىك ءۇي-جايلاردان جانە ۋاقىتشا ۇستاۋ يزولياتورلارىنان 512 ادام بوساتىلدى. پروكۋرورلاردىڭ باستاماسى بويىنشا 634 ادامعا قاتىستى سوت ۇكىمدەرى زاڭعا سايكەستەندىرىلدى. سونداي-اق، 130 سوتتالۋشىعا ءتيىستى جاعداي جاسالىپ، 15 كۇدىكتى اقتالدى»، - دەلىنگەن ۆەدومستۆو حابارلاماسىندا.
ەسكە سالا كەتەيىك، بۇعان دەيىن قاڭتار وقيعاسىنا قاتىستى 83 ادام باس بوستاندىعىنان ايىرۋ جازاسىنا كەسىلگەنىن جازىپ ەدىك.
