مەككەدەگى كەپتەلىس: 717 ادام كوز جۇمىپ، 863 ادام جاراقات العان
بۇعان دەيىن 453 ادام ولگەنى، 719-ى جاراقات العانى حابارلانعان ەدى.
تاڭەرتەڭ مۇسىلماندار ءۇشىن كيەلى قالا مەككەدەن بىرنەشە شاقىرىم جەردە ورنالاسقان مينا جازىعىندا مۇسىلمانداردىڭ يد ءال- ادحا - قۇربان ايت مەرەكەسىنىڭ قۇرمەتىنە وقىلعان نامازعا كوپتەگەن ەلدەردەن كەلگەن جۇزدەگەن مىڭ قاجى جينالدى.
ايتا كەتەيىك، قۇربان ايتتىڭ ءبىرىنشى كۇنى (زيلحيججانىڭ 10- كۇنى) قاجىلىق پارىزىن وتەۋشىلەر مينادا شاتىرلارعا ورنالاسقاننان كەيىن شايتانعا تاس لاقتىرۋ ءۇشىن ۇلكەن شايتانعا (اقابا ءجامراسىنا) بارادى. قۇربان ايتتىڭ ءبىرىنشى كۇنى ۇلكەن شايتان تاسقا (اقابا ءجامراسىنا) جەتى تاس لاقتىرىلادى. كەپتەلىس وسى كەزدە ورىن العان ءتارىزدى.
ق ر س ءى م الدىن الا بولجام بويىنشا كەپتەلىس سالدارىنان قازا تاپقاندار قاتارىندا قازاقستاندىقتار جوق ەكەندىگىن حابارلاعان.
