مەملەكەتتىك قىزمەت سالاسىن جەتىلدىرۋ ءۇشىن 70-تەن اسا ارنايى زەرتتەۋ جۇرگىزدىك - ءاليحان بايمەنوۆ
«استانا مەملەكەتتىك قىزمەت حابى حالىقارالىق دەڭگەيدە تاجىريبە جانە ءبىلىم الماسۋ ورتالىعىنا اينالدى. ول باسىندا ايماقتىق دەپ قۇرىلعانىمەن، قازىر جاھاندىق ورتالىق رەتىندە تانىمال. ءبىز 70-تەن اسا ارنايى زەرتتەۋلەر جۇرگىزدىك. ەندى سولار ۇكىمەتكە مەملەكەتتىك قىزمەت سالاسىنداعى ءتۇرلى ماسەلەلەردى شەشۋگە كومەكتەسەدى دەپ سەنەمىز. مەملەكەتتىك قىزمەتتى جەتىلدىرۋدەگى پروبلەمالار تەك قازاقستاندا عانا ەمەس، بارلىق ەلدە بار»، - دەدى ءاليحان بايمەنوۆ.
ونىڭ ايتۋىنشا، اسىرەسە پاندەميا كەزىندە مەملەكەتتىك قىزمەت جەتىلدىرۋدى تالاپ ەتەتىنى ايقىن كورىندى.
«بۇل ۋاقىتتا قاراپايىم حالىق ۇكىمەتتەن جۇيەلى، ءادىل ءارى باتىل شەشىمدەر قابىلداۋدى سۇرادى. سوندىقتان ۇكىمەتكە وسى سالانى دامىتا ءتۇسۋ قاجەت بولدى. بۇل ورايدا حالىقارالىق تاجىريبەنى باسشىلىققا الامىز. وزگە ەلدەردە بار جۇيەلەردى، شەشىمدەردى ءوزىمىزدىڭ ەلىمىزدىڭ مۇمكىندىگىن ەسكەرە وتىرىپ، ەنگىزۋگە تىرىسامىن. ول ءۇشىن استانا مەملەكەتتىك قىزمەت حابى شەتەلدىك تاجىريبەگە زەرتتەۋ جاساپ، ۇسىنىستار ازىرلەيدى»، - دەپ ءتۇسىندىردى ءاليحان بايمەنوۆ.
اتالعان سالاداعى ماسەلەلەردى تالقىلاپ، ونى شەشۋ جولدارىن ۇسىنۋعا ارنالعان كونفەرەنسياعا 30 ەلدەن ساراپشىلار جينالدى. ولار 19- مامىرعا دەيىن مەملەكەتتىك قىزمەتتى جاھاندىق تەندەنسيالارعا ساي ۇنەمى دامىتۋ تۋرالى ويلارىن ورتاعا سالماق.
