مايمىل شەشەگىنەن 70 تەن استام ەل زارداپ شەكتى – د د ۇ
23- شىلدەدە د د ۇ ۆيرۋستىڭ تارالۋىن دەنساۋلىق ساقتاۋ سالاسىنداعى حالىقارالىق دەڭگەيدەگى جاھاندىق توتەنشە جاعداي دەپ جاريالادى. بۇل - ۇيىم جۇيەسىندەگى قاۋىپتىڭ ەڭ جوعارى دەڭگەيى. د د ۇ ۇيلەستىرۋدى، ەلدەردىڭ ىنتىماقتاستىعىن جانە جاھاندىق ىنتىماقتاستىقتى كۇشەيتۋگە تىرىسىپ وتىر.
«الەم بۇل ادامداردى ۇلتىنا، تۇسىنە نەمەسە دىنىنە قاراماستان قورعاۋى كەرەك. مەنىڭ ويىمشا، بۇل وتە ماڭىزدى، قازىر 70 تەن استام ەل زارداپ شەككەن كەزدە ءبارى ارەكەت ەتە باستايدى»، - دەپ اتاپ ءوتتى دوكتور فولل.
دوكتور فوللدىڭ ايتۋىنشا، ەگەر ءبىز تەك ەۋروپا مەن امەريكادا كەزدەسەتىن ناۋقاستاردى ەمدەيتىن بولساق، وندا ءبىز ناقتى اۋرۋدى ەمەس، مايمىل شەشەگىنىڭ تەك بەلگىلەرىن عانا جويامىز. بۇل اۋرۋمەن كۇرەسۋ ءۇشىن بۇكىل الەمنىڭ جۇمىلۋى اسا ماڭىزدى.
«بىزدە كونگو دەموكراتيالىق رەسپۋبليكاسى، نيگەريا، ورتالىق افريكا رەسپۋبليكاسى، كامەرۋندا كوپتەگەن جاعدايلار بولدى، سونداي- اق گانا، بەنين سياقتى باسقا دا ەلدەردە جەكەلەگەن جاعدايلار كەزدەستى. مەنىڭ ويىمشا، الەم اۋىلدىق جەرلەردىڭ تۇرعىندارىن قورعاۋعا ينۆەستيتسيا سالاتىن ۋاقىت كەلدى»، - دەدى دوكتور فولل.
