قازاقستاننىڭ ەۋروپا ەلدەرىمەن ءوزارا ساۋدا- ساتتىعى 70 پايىزعا ءوستى

نۇر- سۇلتان. قازاقپارات - قازاقستان مەن ەۋروپا ەلدەرى اراسىنداعى تاۋار اينالىمى 2022 -جىلعى قاڭتار- اقپاندا 6,0 ميلليارد دوللاردى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا % 70,9- عا جوعارى ($3,5 ميلليارد)، دەپ حابارلايدى قازاقپارات.

بيىلعى قاڭتار- اقپاندا ە و ەلدەرىنەن قازاقستانعا يمپورت % 14- عا ءوسىپ، $767,5 ميلليون قۇرادى. ەو ەلدەرىنە ەكسپورتتىڭ ءوسۋى مىناداي تاۋارلاردى جەتكىزۋدىڭ ارتۋىنا نەگىزدەلگەن: شيكى مۇناي -% 81,2- عا ($4,6 ميلليارد) ، فەرروقورىتپالار - 2,5 ەسە نەمەسە ($96,3 ميلليون دەيىن)، وڭدەلمەگەن اليۋميني - 2,5 ەسە ($58,0 ميلليون دەيىن)، بيداي - 13,2 ەسە ($ 31,7 ميلليون دەيىن)، مۇناي ونىمدەرى -% 40,4 ($94,6 ميلليون دەيىن)، تابيعي گاز - ءوسىم 4,3 ەسە ($35,5 ميلليون دەيىن).

ە و ەلدەرىنەن قازاقستانعا يمپورتتىڭ نەگىزگى تاۋارلارى:

بولشەك ساۋدا ءۇشىن ولشەنىپ سالىنعان دارىلىك زاتتار؛ ۆاكسينالار، قان سارىسۋلارى، قان؛ تۋربورەاكتيۆتىك جانە تۋربوۆينتتىك قوزعالتقىشتار، وزگە دە گاز تۋربينالارى؛ اۋا نەمەسە ۆاكۋۋمدىق سورعىلار، كومپرەسسورلار مەن جەلدەتكىشتەر؛ ەسەپتەۋ ماشينالارى؛ قۇبىرلارعا ارنالعان ارماتۋرا؛ تەلەفون اپپاراتتارى؛ وزگە دە قارا مەتالداردان جاسالعان بۇيىمدار بولىپ تابىلادى.