12:42, 10 - قاڭتار 2022 | GMT +5
شىعىس قازاقستاندا 70-كە جۋىق اسكەري قىزمەتكەر زارداپ شەكتى
وسكەمەن. قازاقپارات - شىعىس قازاقستان وبلىسىندا جاپپاي تارتىپسىزدىك كەزىندە 70-كە جۋىق اسكەري قىزمەتكەر زارداپ شەكتى، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 5-9-قاڭتار ارالىعىنداعى تارتىپسىزدىكتەر كەزىندە پوليتسيا قىزمەتكەرلەرى مەن ق ر ۇلتتىق ۇلانىنىڭ ساربازدارى جارالانعان.
«بۇلىكشىلەردىڭ زاڭسىز ارەكەتتەرىنىڭ سالدارىنان جالپى سانى 69 اسكەري قىزمەتكەر زارداپ شەكتى. 11 پوليتسيا كولىگى قيراتىلىپ، 10 ى ءبۇلىندى. وبلىس اۋماعىندا 1000 نان استام ادام ۇستالىپ، قىلمىستىق ءىس بويىنشا 66 ادام قاماۋعا الىندى. كومەندانتتىق ساعات تالابىن بۇزعانى ءۇشىن 7 ازامات اكىمشىلىك جاۋاپكەرشىلىككە تارتىلدى»، - دەلىنگەن اقپاراتتا.
قوعامدىق ءتارتىپتى قامتاماسىز ەتۋ ءۇشىن قۇقىق قورعاۋ ورگاندارى كۇشەيتىلگەن رەجيمدە جۇمىس ىستەۋدە. قازىرگى ۋاقىتتا شىعىس قازاقستاندا جاعداي تۇراقتاندى.
اۆتور: تالعاتجان مۇحامەتبەك ۇلى
