« قىزىل» مارتەبەسى بار 70 الماتىلىققا ايىپپۇل سالىندى
« Ashyq ارقىلى 14 كۇندىك ءۇي كارانتينىن بۇزعان 70 الماتىلىق اكىمشىلىك جاۋاپقا تارتىلدى جانە ايىپپۇل (30 ا ە ك) تولەدى» ، - دەپ حابارلادى سانيتارلىق- ەپيدەميولوگيالىق باقىلاۋ دەپارتامەنتىنەن.
دەپارتامەنت مالىمەتىنشە، COVID-19 ءۇشىن پ ت ر تەستى وڭ ناتيجەسىن بەرگەن الماتىلىقتار قوعامدىق ورىندارعا بارىپ، Ashyq بويىنشا جۇمىس ىستەيتىن نىساندارعا كىرۋگە تىرىسقان.
اتاپ ايتار بولساق، ونداي مارتەبەسى بار ادامدارعا قوعامدىق ورىندارعا بارۋعا بولمايدى (ح ق ك و، مەيرامحانا، فيتنەس ورتالىق، اۋەجاي، كينوتەاترلار، كومپيۋتەر كلۋبى، بوۋلينگ، اۆتوورتالىق، قوناق ءۇي، ءسان سالونى، بالا -باقشا، مەكتەپ- ينتەرنات، ءبىلىم بەرۋ وبەكتىلەرى، باسسەين) .
« قىزىل» مارتەبەدەگى ادامدار Ashyq جوباسى بويىنشا جۇمىس ىستەيتىن نىساندارعا كىرگىزىلمەيدى. سانيتاريالىق- ەپيدەميالىق باقىلاۋ دەپارتامەنتى امبۋلاتوريادا ەم الىپ جاتقان ازاماتتاردى ءوزىن ءوزى وقشاۋلاۋ رەجيمىن بۇزباۋعا جانە ازاماتتىق جاۋاپكەرشىلىكتى ۇمىتپاۋعا شاقىرادى. ال جۇقتىرعاندارمەن بايلانىستا بولعان ادامدار دا ءوزىن ءوزى وقشاۋلاۋ رەجيمىن ساقتاۋعا جانە باسقا ادامداردىڭ جۇقتىرماۋ ءۇشىن كوپ ادام جينالاتىن ورىندارعا بارۋدان باس تارتۋى ءتيىس.
سونىمەن قاتار، Ashyq جوباسىنىڭ قاتىسۋشىلارىنا الماتى قالاسىندا كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا بارلىق كەلۋشىنى سكانەرلەۋ قاجەتتىلىگىن ەسكە سالدى.
قۇقىق بۇزۋشىلاردىڭ تولىق ءتىزىمىن مىنا جەردەن تابۋعا بولادى.
